<p>தமிழகத்தில் 2026-2026-ம் கல்வியாண்டுக்கான 10ம் வகுப்பு பொதுத்தேர்வை ஒவ்வொரு ஆண்டும் சுமார் 8 லட்சத்துக்கும் மேற்பட்ட மாணவ-மாணவிகள் எழுதுகின்றனர். இதற்காக பள்ளி மாணவர்களின் பெயர் பட்டியல் தயாரிக்கப்பட உள்ளது. இதற்காக அனைத்து உயர்நிலை, மேல்நிலைப்பள்ளி தலைமை ஆசிரியர்கள் EMIS தளத்தில் மாணவர்களின் விவரங்கள் சரியாக உள்ளதா? என்பதை பார்க்க வேண்டும் என தேர்வுத்துறை அறிவுறுத்தியுள்ளது.</p>
<h2>10ம் வகுப்பு பள்ளி மாணவர்கள்</h2>
<p>இதுதொடர்பாக தமிழக மாவட்ட முதன்மைக் கல்வி அலுவலர்களுக்கு தேர்வுத் துறை இயக்குநரகம் அனுப்பியுள்ள சுற்றறிக்கையில்: நடப்புக் கல்வி ஆண்டில் 10-ம் வகுப்பு பொதுத் தேர்வு எழுதும் மாணவர்களின் பெயர்ப் பட்டியல் தயாரிக்கப்பட உள்ளது. எமிஸ் தளத்தில் மாணவர்களின் பெயர், பிறந்த தேதி, பாலினம், புகைப்படம், கைபேசி எண், முகவரி உள்ளிட்ட விவரங்கள் சரியாக உள்ளதா என்பதை சரிபார்த்து திருத்தம் இருந்தால் மேற்கொள்ள உத்தரவிடப்பட்டது.</p>
<p>இதையும் படிங்க: <a href="https://tamil.abplive.com/news/tamil-nadu/new-director-of-vigilance-and-anti-corruption-appointed-who-is-prem-anand-sinha-276949">Prem Anand Sinha: புதிய லஞ்ச ஒழிப்புத்துறை இயக்குநர் நியமனம்.. யார் இந்த பிரேம் ஆனந்த் சின்ஹா?</a></p>
<h2>தேர்வுத் துறை இயக்குநரகம்</h2>
<p>மாணவர் விவரங்களைச் சரிபார்த்து, தேர்வுத் துறை இணையதளத்தில் அக்டோபர் 7-ம் தேதிக்குள் பதிவேற்றம் செய்ய அறிவுறுத்தப்பட்டது. இந்நிலையில் மாணவர்கள் நலன் கருதி இதற்கான அவகாசம் அக்டோபர் 12-ம் தேதி வரை நீட்டிக்கப்பட்டுள்ளது. இந்த வாய்ப்பை பள்ளித் தலைமை ஆசிரியர்கள் பயன்படுத்திக் கொள்ள வேண்டும். இந்த பெயர்ப் பட்டியலின் அடிப்படையிலேயே மதிப்பெண் சான்றிதழ் அச்சிடப்படும் என்பதால் பணிகளை கவனமாக மேற்கொள்ள மாவட்ட முதன்மைக் கல்வி அலுவலர்களுக்கு தேர்வுத்துறை அறிவுறுத்தியுள்ளது. </p>
Source: Read Full Article
