<p><strong>Special Parliament Session:</strong> நாடாளுமன்ற சிறப்பு கூட்டத் தொடரை கூட்டி தொகுதி மறுவரையறை, பெண்களுக்கான இடஒதுக்கீடு மசோதாக்களை நிறைவேற்ற போதிய பலம் இருப்பதாக பாஜக நம்புகிறதாம்.</p>
<h2>நாடாளுமன்ற சிறப்பு கூட்டத்தொடர்:</h2>
<p>வாக்காளர் திருத்தப் பட்டியலில் முறைகேடு நடந்து இருப்பதாகவும், ஆளுங்கட்சிக்கு சாதகமாக செயல்படும் தலைமை தேர்தல் ஆணையர் ஞானேஷ்குமார் பதவி விலக வேண்டும் என்றும், காங்கிரஸ் உள்ளிட்ட எதிர்க்கட்சிகள் தீவிரமாக களமாடி வருகின்றன. இந்நிலையில், அக்டோபர் மாத இறுதியில் நாடாளுமன்ற சிறப்பு கூட்டத்தொடரை கூட்ட மத்திய அரசு தயாராகி வருகிறதாம். இதில் தொகுதி மறுவரையறை மற்றும் பெண்களுக்கான இடஒதுக்கீடு தொடர்பான அரசியலமைப்பு சட்ட திருத்த மசோதாக்களை கொண்டு வர திட்டமிடப்பட்டுள்ளதாம். மக்களவையில் இந்த மசோதாக்களை நிறைவேற்ற போதிய பெரும்பான்மையான உறுப்பினர்களின் ஆதரவு இருப்பதாக பாஜக நம்புவதாகவும் கூறப்படுகிறது.</p>
<p>ஆகஸ்ட் 13 அன்று நிறைவடைந்த நாடாளுமன்றத்தின் மழைக்காலக் கூட்டத்தொடர் இன்னும் ஒத்திவைக்கப்படவில்லை என்றும், இது அரசு ஒரு சிறப்புக் கூட்டத்தைக் கூட்டுவதற்கு வழிவகுக்கிறது என்றும் வட்டாரங்கள் தெரிவித்தன. இங்குதான் நுணுக்கமான விவரங்கள் முக்கியத்துவம் பெறுகின்றன. நாடாளுமன்றத்தின் இரு அவைகளும் காலவரையின்றி ஒத்திவைக்கப்பட்டன; அதாவது, அடுத்த அமர்வுக்கான தேதி நிர்ணயிக்கப்படாமல் அவை இடைநிறுத்தப்பட்டன. இருப்பினும், கூட்டத்தொடர் முறையாக ஒத்திவைக்கப்படவில்லை - இதுவே கூட்டத்தொடரை அதிகாரப்பூர்வமாக முடிவுக்குக் கொண்டுவரும் அரசியலமைப்புச் செயல்முறையாகும். ஒரு கூட்டத்தொடர் காலவரையின்றி ஒத்திவைக்கப்பட்ட 2-3 நாட்களுக்குப் பிறகு, பொதுவாக அவை ஒத்திவைப்பு அறிவிக்கப்படும். ஆனால் இந்த முறை, இரண்டு மாதங்களுக்கும் மேலாகிவிட்டது. சிறப்பு அமர்வு கூட்டப்படுவதற்கு ஒரு வாரத்திற்கு முன்பு அறிவிப்பு வழங்கப்படலாம் என்றும், அக்டோபர் 26 மற்றும் 27 ஆகிய தேதிகளில் சம்விதான் சதனில் நடைபெறவிருக்கும் 12வது பிரிக்ஸ் நாடாளுமன்றக் கூட்டத்தைக் கருத்தில் கொண்டு தேதிகள் இறுதி செய்யப்படும் எனவும் தகவல்கள் தெரிவிக்கின்றன.</p>
<p><a title="Reliance: ”பயந்தவங்க நாங்க இல்ல, ஸ்டார்லிங்க் வரட்டும்” மஸ்கிற்கு பதிலடி தந்த ரிலையன்ஸ் ஓனர் அம்பானி" href="https://tamil.abplive.com/news/india/we-welcome-competition-in-satellite-communications-including-starlink-ril-ambani-responds-to-elon-musk-s-remarks-277534" target="_self">இதையும் படியுங்கள்: Reliance: ”பயந்தவங்க நாங்க இல்ல, ஸ்டார்லிங்க் வரட்டும்” மஸ்கிற்கு பதிலடி தந்த ரிலையன்ஸ் ஓனர் அம்பானி</a></p>
<h2><strong>பெரும்பான்மை இருப்பதாக பாஜக நம்பிக்கை?</strong></h2>
<p>வெளியாகியுள்ள தகவல்கள், மக்களவையில் தங்களுக்கு போதிய பலம் இருப்பதாக அரசு நம்பிக்கையுடன் இருப்பதாகவும், முன்மொழியப்பட்ட சட்டத்தை முன்னெடுத்துச் செல்லத் தயாராகி வருவதாகவும் தெரிவிக்கின்றன. இதுபோக வாக்கெடுப்புக்கு முன்னதாக ஆதரவைத் திரட்டுவதற்காக எதிர்க்கட்சிகளை அணுகி வருவதாகவும் மத்திய அரசு வட்டாரங்கள் தெரிவிக்கின்றன. கடந்த ஏப்ரல் 17 அன்று நடைபெற்ற பட்ஜெட் கூட்டத்தொடரின் போது, தொகுதி வரையறை மற்றும் மக்களவை, மாநில சட்டமன்றங்களில் பெண்களுக்கான இட ஒதுக்கீட்டை அமல்படுத்துவது தொடர்பான அரசியலமைப்புத் திருத்த மசோதா மக்களவை தோற்கடிக்கப்பட்டது. இது பிரதமர் மோடி தலைமையிலான அரசுக்கு மிகப்பெரிய பின்னடைவாக கருதப்பட்டது குறிப்பிடத்தக்கது.</p>
<h2><strong>கூடுதல் பலத்தை பெற்ற பாஜக - திமுக?</strong></h2>
<p>அரசியலமைப்புத் திருத்தம் கொண்டுவர நாடாளுமன்றத்தில், சிறப்பு பெரும்பான்மை தேவைப்படுகிறது. மக்களவையில் பாஜக தலைமையிலான தேசிய ஜனநாயகக் கூட்டணிக்கு பெரும்பான்மை இருந்தாலும், அதற்குத் தேவையான மூன்றில் இரண்டு பங்கு பெரும்பான்மையான சுமார் 360 இடங்கள் இல்லை. ஆனால் கடந்த கூட்டத்தொடருக்குப் பிறகு 20 திரிணாமூல் காங்கிரஸ் எம்.பி.க்களும், ஆறு சிவசேனா (உத்தவ் அணி) எம்.பி.க்களும் பாஜக தரப்புக்கு மாறியுள்ளனர். இது மத்திய அரசுக்கு கூடுதல் பலமாக அமைந்துள்ளது. இது போக திமுகவின் ஆதரவைப் பெறுவதற்காக மத்திய அரசு பேச்சுவார்த்தை நடத்தி வருகிறது. சட்டமன்ற தேர்தலை தொடர்ந்து காங்கிரஸ் உடனான உறவு முறிந்ததால், ஸ்டாலினை நெருங்குவதில் மத்திய அரசு ஆர்வம் காட்டுகிறதாம்.</p>
<h2><strong>ஒத்திவைக்கப்படாத கூட்டத்தொடர்..! </strong></h2>
<p>ஆகஸ்ட் 13 அன்று நிறைவடைந்த நாடாளுமன்றத்தின் மழைக்காலக் கூட்டத்தொடர் இன்னும் முறையாக ஒத்திவைக்கப்படாதது, அரசு ஒரு சிறப்புக் கூட்டத்தைக் கூட்டுவதற்கு வழிவகுக்கிறது நாடாளுமன்றத்தின் இரு அவைகளும் காலவரையின்றி ஒத்திவைக்கப்பட்டாலும், கூட்டத்தொடர் முறையாக ஒத்திவைக்கப்படவில்லை. அப்படிப்பட்ட அறிவிப்பை வெளியிடுவது தான் கூட்டத்தொடரை அதிகாரப்பூர்வமாக முடிவுக்குக் கொண்டுவரும் அரசியலமைப்புச் செயல்முறையாகும். பொதுவாக கூட்டத்தொடர் காலவரையின்றி ஒத்திவைக்கப்பட்ட 2-3 நாட்களுக்குப் பிறகு, பொதுவாக அவை ஒத்திவைப்பு அறிவிக்கப்படும். ஆனால் இந்த முறை, இரண்டு மாதங்களாகியும் எந்த அறிவிப்பும் வெளியாகவில்லை என்பது குறிப்பிடத்டக்கது. சிறப்பு அமர்வு கூட்டப்படுவதற்கு ஒரு வாரத்திற்கு முன்பு அறிவிப்பு வழங்கப்படலாம் என்றும், அக்டோபர் இறுதியில் 12வது பிரிக்ஸ் நாடாளுமன்றக் கூட்டத்தைக் கருத்தில் கொண்டு, சிறப்பு கூட்டத்தொடர் அறிவிப்பு வெளியாக வாய்ப்புள்ளதாம்.</p>
Source: Read Full Article
