<p>புதுச்சேரி: புதுச்சேரியில் செயல்பட்டு வரும் ஜவஹர்லால் முதுநிலை மருத்துவக் கல்வி மற்றும் ஆராய்ச்சி நிறுவனம் (JIPMER) மருத்துவக் கல்லூரி மருத்துவமனையில் பல்வேறு பணியிடங்களை நிரப்புவதற்கான வேலைவாய்ப்பு அறிவிப்பு வெளியிடப்பட்டுள்ளது. இந்த அறிவிப்பின் மூலம் மொத்தம் 5 பணியிடங்கள் நிரப்பப்பட உள்ளன.</p>
<p>இந்தப் பணியிடங்கள் தற்காலிக நியமன அடிப்படையில் நிரப்பப்பட உள்ளதாக தெரிவிக்கப்பட்டுள்ளது. மருத்துவம், செவிலியர் மற்றும் ஆராய்ச்சித் துறையில் கல்வித் தகுதி பெற்றவர்கள் இந்தப் பணியிடங்களுக்கு விண்ணப்பிக்கலாம்.</p>
<p>தகுதியும் விருப்பமும் உள்ளவர்கள் உரிய விண்ணப்பப் படிவத்தைப் பூர்த்தி செய்து, தேவையான ஆவணங்களுடன் குறிப்பிட்ட மின்னஞ்சல் முகவரிக்கு அனுப்ப வேண்டும். விண்ணப்பங்களை அனுப்புவதற்கான கடைசி தேதி 3.10.2026 என தெரிவிக்கப்பட்டுள்ளது.</p>
<h2>Project Research Scientist-I பணியிடம்</h2>
<p>இந்த வேலைவாய்ப்பு அறிவிப்பில் Project Research Scientist-I பணியிடத்தில் ஒரு காலியிடம் நிரப்பப்பட உள்ளது. இந்தப் பணியிடத்திற்கு விண்ணப்பிக்க விரும்புபவர்கள் Microbiology, Biochemistry, Genetics அல்லது Immunology ஆகிய பாடப்பிரிவுகளில் ஏதேனும் ஒன்றில் முதுநிலைப் பட்டம் பெற்றிருக்க வேண்டும்.</p>
<p>விண்ணப்பதாரர்களின் வயது 35 வயதுக்குள் இருக்க வேண்டும். இந்தப் பணியிடத்திற்கு தேர்வு செய்யப்படுபவர்களுக்கு மாதம் ரூ.61,600 சம்பளம் வழங்கப்படும் என தெரிவிக்கப்பட்டுள்ளது.</p>
<h2>Project Technical Support-III பணியிடத்தில் ஒரு காலியிடம் உள்ளது.</h2>
<p>இந்தப் பணியிடத்திற்கு B.Pharm அல்லது B.Sc. Nursing படித்தவர்கள் விண்ணப்பிக்கலாம். விண்ணப்பதாரர்களின் அதிகபட்ச வயது 35 வயது என குறிப்பிடப்பட்டுள்ளது. தேர்வு செய்யப்படும் நபருக்கு மாதம் ரூ.30,800 சம்பளம் வழங்கப்படும்.</p>
<h2>Project Nurse-III</h2>
<p>ஜிப்மர் வேலைவாய்ப்பு அறிவிப்பில் அதிகபட்சமாக 3 Project Nurse-III பணியிடங்கள் நிரப்பப்பட உள்ளன. இந்தப் பணியிடத்திற்கு விண்ணப்பிக்க விரும்புபவர்கள் B.Sc. Nursing படித்திருக்க வேண்டும். விண்ணப்பதாரர்களின் வயது 35 வயதுக்குள் இருக்க வேண்டும். இந்தப் பணியிடங்களுக்கு தேர்வு செய்யப்படுபவர்களுக்கு மாதம் ரூ.30,800 சம்பளம் வழங்கப்படும். மேற்கண்ட பணியிடங்களுக்கு விண்ணப்பிக்கும் தகுதியானவர்கள் எழுத்துத் தேர்வு மற்றும் நேர்முகத் தேர்வு அடிப்படையில் தேர்வு செய்யப்பட உள்ளனர்.</p>
<h2>எழுத்துத் தேர்வு, நேர்முகத் தேர்வு</h2>
<p>இந்தப் பணியிடங்களுக்கு விண்ணப்பிக்கும் அனைவரும் நேரடியாக பணியில் நியமிக்கப்பட மாட்டார்கள். தகுதியான விண்ணப்பதாரர்களுக்கு எழுத்துத் தேர்வு மற்றும் நேர்முகத் தேர்வு நடத்தப்பட்டு, அதன் அடிப்படையில் பணியிடங்களுக்கு தேர்வு செய்யப்படுவார்கள் என தெரிவிக்கப்பட்டுள்ளது. எனவே, விண்ணப்பதாரர்கள் தங்களது கல்வித் தகுதி மற்றும் பணியிடத்துக்கான தேவைகளை முறையாக சரிபார்த்து விண்ணப்பிக்க வேண்டும்.</p>
<h2>எப்படி விண்ணப்பிப்பது?</h2>
<p>விண்ணப்பிக்க விரும்புபவர்கள் ஜிப்மர் இணையதளத்தில் வெளியிடப்பட்டுள்ள அதிகாரப்பூர்வ அறிவிப்பில் இடம்பெற்றுள்ள விண்ணப்பப் படிவத்தை பதிவிறக்கம் செய்து, பிரிண்ட் எடுத்துக்கொள்ள வேண்டும்.</p>
<p>பின்னர் விண்ணப்பப் படிவத்தை முறையாகப் பூர்த்தி செய்து, கேட்கப்பட்டுள்ள கல்வி மற்றும் பிற தேவையான ஆவணங்களை இணைத்து, அறிவிப்பில் குறிப்பிடப்பட்டுள்ள மின்னஞ்சல் முகவரிக்கு அனுப்ப வேண்டும்.</p>
<p>மின்னஞ்சல்:
[email protected]</p>
<p>விண்ணப்பிக்க கடைசி தேதி: 03.10.2026</p>
<h2>முக்கிய குறிப்பு</h2>
<p>ஜிப்மரில் மருத்துவம் மற்றும் செவிலியர் உள்ளிட்ட துறைகளில் பணியாற்ற விரும்பும் தகுதியான இளைஞர்களுக்கு இந்த வேலைவாய்ப்பு வாய்ப்பாக அமையும். எனவே, விண்ணப்பிக்கும் முன் கல்வித் தகுதி, வயது வரம்பு, தேவையான ஆவணங்கள், தேர்வு முறை உள்ளிட்ட அனைத்து விவரங்களையும் அதிகாரப்பூர்வ அறிவிப்பில் சரிபார்த்து விண்ணப்பிக்க வேண்டும்.</p>
<p>மேலும் விவரங்களுக்கு https://jipmer.edu.in/announcement/recruitment-project-staff-%E2%80%93-project-research-scientist-i-non-medical-project-technical ஜிப்மர் அதிகாரப்பூர்வ வேலைவாய்ப்பு அறிவிப்பு பக்கத்தைப் பார்வையிடலாம்.</p>
Source: Read Full Article
