INDIA VS BRAZIL : இந்தியா வரும் 5 முறை உலக சாம்பியன்... கொல்கத்தாவில் விளையாட ஒப்புக்கொண்டது எப்படி?

<p>5 முறை உலக சாம்பியனான பிரேசில் கால்பந்து அணியுடன் இந்தியா மோதும் நட்பு ரீதியிலான கால்பந்து போட்டி உலகளவில் கவனம் பெற்றுள்ளது.</p> <h2><strong>இந்தியாவுடன் மோதும் உலக சாம்பியன்</strong></h2> <p>அக்டோபர் 3ஆம் தேதி கொல்கத்தாவின் சால்ட் லேக் மைதானத்தில் நடைபெறும் சர்வதேச நட்புறவு கால்பந்து போட்டியில் 5 முறை உலக சாம்பியனான பிரேசில் அணி இந்தியாவுடன் மோதுகிறது. உலக தரவரிசைப் பட்டியலில் 138-வது இடத்தில் இருக்கும் இந்திய அணியுடன் பிரேசில் அணி விளையாடவுள்ளதாக முதன்முதலில் முன்மொழியப்பட்டபோது பலருக்கும் அது நகைப்பை உண்டாக்கியது. ஆனால், தற்போது கால்பந்து ரசிகர்கள் அனைவரின் கவனமும் இந்த போட்டியின் பக்கம் திரும்பியுள்ளது.&nbsp;</p> <h2><strong>இந்தியாவுடன் விளையாட பிரேசில் ஒப்புக்கொண்டது எப்படி?</strong></h2> <p>சமீபத்தில் நடந்து முடிந்த பிபா உலகக் கோப்பை கால்பந்து போட்டியின் போது பிரேசில் அணிக்கு இந்திய ரசிகர்கள் அளித்த வரவேற்பும், ஆதரவுமே பிரேசில் கால்பந்து கூட்டமைப்பு இந்தியாவில் போட்டி நடத்த முயற்சியை முன்னெடுத்ததற்கு காரணம் என சொல்லப்படுகிறது. எனவே, சர்வதேச அளவில் உயர் மட்டத்தில் இருக்கும் அணிகளுடன் விளையாட வேண்டும் என்ற இந்திய கால்பந்து அணியின் பல ஆண்டுகால கனவு தற்போது நனவாகியிருக்கிறது. &nbsp;இது இந்திய கால்பந்து வரலாற்றில் ஒரு மிக முக்கிய நிகழ்வு என்றே சொல்லலாம்.&nbsp;</p> <p><iframe src="//www.youtube.com/embed/Vgff-shKRUQ?si=UDECYhgREyYqNWgO" width="560" height="314" allowfullscreen="allowfullscreen"></iframe></p> <h2><strong>ரசிகர்கள் உற்சாகம்</strong></h2> <p>பிபா உலகக் கோப்பையில் இந்தியாவால் விளையாட முடியவில்லை என்றாலும், பெரும்பாலான இந்திய ரசிகர்கள் பிரேசில் அணிக்கு தங்களது ஆதரவை தெரிவித்தனர். அந்த அளவிற்கு பிரேசில் அணி மீது இந்திய கால்பந்து ரசிகர்களுக்கு ஒரு ஈர்ப்பு உண்டு. இத்தகைய சூழலில் பிரேசில் அணி கொல்கத்தாவில் இந்திய அணியுடன் விளையாடவுள்ளது இந்திய கால்பந்து ரசிகர்களை மிகுந்த உற்சாகத்தில் ஆழ்த்தியுள்ளது. சர்வதேச அளவில் பிரபலமடைந்த பிரேசில் அணி அவர்களது பாரம்பரிய சீருடையை அணிந்து கொல்கத்தாவின் சால்ட் லேக் மைதானத்தில் களமிறங்கும் காட்சிகளை காண இந்திய ரசிகர்கள் பலரும் ஆர்வமுடன் காத்துக்கிடக்கின்றனர்.&nbsp;</p> <h2><strong>வரலாற்றில் முக்கிய நாள்</strong></h2> <p>பல ஆண்டுகால இந்திய கால்பந்து வரலாற்றில் முதன்முறையாக பிரேசில் அணியுடன் இந்தியா விளையாடவுள்ளது இந்திய கால்பந்திற்கு கிடைத்த மாபெரும் வாய்ப்பு என்றே கருதப்படுகிறது. இந்த போட்டியின் மூலம் இந்திய வீரர்களுக்கு ஒரு சிறந்த அனுபவமும், ஆற்றலும் கிடைக்கும் என்று இந்திய முன்னாள் கால்பந்து ஜாம்பவான்கள் பலரும் தெரிவித்துள்ளனர். சமீப நாட்களாக சிறப்பான ஆட்டத்தை வெளிப்படுத்தி வரும் இந்திய கால்பந்து அணிக்கு இந்த போட்டி மேலும் உத்வேகம் அளிக்கும் என்றே சொல்லலாம்.</p> <h2><strong>பிளேயிங் 11-யில் யார் யார்?</strong></h2> <p>பிரேசில் அணியுடன் மோதும் இந்திய அணியில் இடம்பெற்றுள்ள 26 வீரர்கள் முன்கூட்டியே அறிவிக்கப்பட்ட நிலையில், பிளேயிங் 11-யில் இடம் பெறப் போகும் வீரர்கள் குறித்த அதிகாரப்பூர்வ அறிவிப்பு தற்போது வரை வெளியாகவில்லை.&nbsp;</p> <p><strong>இந்திய அணியின் விவரம் :&nbsp;</strong></p> <p><strong>கோல் கீப்பர்கள்:</strong> அல்பினோ கோமஸ், குர்பிரீத் சிங் சாந்து, பிரப்சுக்ன் சிங் கில், சோம் குமார்</p> <p><strong>டிஃபென்டர்கள்:</strong> அபிஷேக் சிங் டெக்சாம், ஆகாஷ் மிஸ்ரா, அன்வர் அலி, பிஜோ வர்கீஸ், மிங் தான்மாவியா ரால்டே, ஜே குப்தா, பிராம்வீர், ரிக்கி மீடெய் ஹொபம்</p> <p><strong>மிட்ஃபீல்டர்கள்:</strong> அனிருத் தபா, ஆஷிக் குருனியன், ஃபரூக் சௌத்ரி, லலேங்மாவியா ரால்டே, மேகார்ட்டன் நிக்சன், முகமது சனான், ரிக்கி ஷபோங், சஹால் அப்துல் சமத்</p> <p><strong>முன்கள வீரர்கள்:</strong> எட்மண்ட் லால்ரின்டிகா, இர்பான் யத்வாத், மன்வீர் சிங், ரஹீம் அலி, ரயன் வில்லியம்ஸ், விக்ரம் பிரதாப் சிங்</p> <h2><br /><strong>இளம் படையை களமிறக்கும் பிரேசில்</strong></h2> <p>இந்திய அணிக்கு எதிரான ஆட்டத்தில் பிரேசில் அணி தனது இளம் படையை களமிறக்க திட்டமிட்டுள்ளது. அதன்படி,25 பேர் கொண்ட பிரேசில் அணியில் 20 அல்லது அதற்கும் குறைவான வயதுடைய வீரர்கள் 6 பேர் இடம்பெற்றுள்ளனர். அதேபோல், 8 வீரர்கள் அறிமுக வீரர்களாகவும் களமிறங்கவுள்ளனர்.&nbsp;</p> <p><strong>பிரேசில் அணியின் விவரம் :</strong></p> <p><strong>கோல்கீப்பர்கள்:</strong> ஹூகோ சவுசா, பெட்ரோ மோரிஸ்கோ, ஒட்டாவியோ</p> <p><strong>டிஃபென்டர்கள்:</strong> ஆர்தர் டயஸ், டக்ளஸ் சான்டோஸ், கேப்ரியல் மாகல்ஹேஸ், ஜெய்ர், மார்க்வினோஸ், மாத்யூசின்ஹோ, மவுரோ ஜூனியர், விட்டோர் ரெய்ஸ், வெஸ்லி.</p> <p><strong>மிட்ஃபீல்டர்கள்:</strong> ஆந்த்ரே சான்டோஸ், ப்ரெனோ பிடன், புருனோ குய்மரேஸ், டானிலோ சான்டோஸ், டக்ளஸ் லூயிஸ், கேப்ரியல் போன்டெம்போ.</p> <p><strong>முன்கள வீரர்கள்:</strong> என்ட்ரிக், ஸ்டீபன், ஜோவோ பெட்ரோ, பெட்ரோ, ரபின்ஹா, ரேயான், சாமுவேல் லினோ, வினிசியஸ் ஜூனியர்.</p> <p><iframe class="vidfyVideo" style="border: 0px;" src="https://tamil.abplive.com/web-stories/health/if-you-drink-tea-at-night-it-can-cause-these-harms-to-the-body-276189" width="631" height="381" scrolling="no"></iframe></p>

Source: Read Full Article