IND vs WI: ஃபயர் காட்டிய ஸ்ரேயாஸ்.. சாத்து சாத்து சாத்திய சாம்சன்.. 250 ரன்கள் டார்கெட்!

<p>இந்தியா வெஸ்ட் இண்டீஸ் அணிகள் 2வது டி20 போட்டி இன்று நடந்து வருகிறது. ராஞ்சி மைதானத்தில் நடந்து வரும் இந்த போட்டியில் டாஸ் வென்ற வெஸ்ட் இண்டீஸ் முதலில் பந்துவீச்சைத் தேர்வு செய்தது.&nbsp;</p> <h2><strong>சாம்சன் அதிரடி:</strong></h2> <p>இதையடுத்து, ஆட்டத்தை அபிஷேக் சர்மா - சாம்சன் தொடங்கினர். களமிறங்கியது முதலே இருவரும் அதிரடியாக ஆடினர். பவுண்டரியும், சிக்ஸரும் விளாசிய அபிஷேக் சர்மா 12 பந்துகளில் 2 பவுண்டரி 1 சிக்ஸருடன் 20 ரன்கள் எடுத்து அவுட்டானார். அடுத்து வந்த இஷான் கிஷன் - சாம்சன் ஜோடி அதிரடியாக ஆடியது.&nbsp;</p> <p>இருவரும் சிக்ஸரும், பவுண்டரியும் விளாசினர். இதனால், இந்திய ஸ்கோர் மளமளவென ஏறியது. சிறப்பாக ஆடிய இஷான் கிஷன் அரைசதத்தை நெருங்கிய நிலையில் அவுட்டானார். அவர் 22 பந்துகளில் 6 பவுண்டரி 2 சிக்ஸருடன் 43 ரன்கள் எடுத்த நிலையில் அவுட்டானார். அதேசமயம் மறுமுனையில் சிறப்பாக ஆடி அரைசதம் கடந்த சாம்சன் சதத்தை நோக்கி முன்னேறிக் கொண்டிருந்தார்.</p> <h2>மிஸ்ஸான சதம்:</h2> <p>அடுத்து வந்த ஷிவம் துபே தடுமாறினார். அவர் 7 ரன்னில் அவுட்டாக சதத்தை நோக்கி முன்னேறிய சாம்சன் அவுட்டானார். 41 பந்துகளில் 9 பவுண்டரி &nbsp;4 சிக்ஸருடன் 82 ரன்கள் எடுத்து அவுட்டானார். அடுத்தடுத்து விக்கெட்டுகள் விழுந்த நிலையில் ஸ்ரேயாஸ் - திலக் வர்மா ஜோடி சேர்ந்தனர்.&nbsp;</p> <p>15வது ஓவருக்கு பிறகு சேர்ந்த இந்த ஜோடி பந்துகளை பவுண்டரிக்கும், சிக்ஸருக்கும் விளாசியது. இதனால், இந்தியாவின் ஸ்கோர் மீண்டும் ஜெட் வேகத்தில் ஏறியது. 200 ரன்களை கடந்த இந்தியாவின் ரன் இவர்களின் பேட்டிங்கால் மேலும் எகிறியது.</p> <h2>250 ரன்கள் டார்கெட்:</h2> <p>இவர்களை கட்டுப்படுத்த வெஸ்ட் இண்டீஸ் பந்துவீச்சாளர்கள் தடுமாறினர். சிறப்பாக ஆடிய ஸ்ரேயாஸ் ஐயர் கடைசி ஓவரில் ஹாட்ரிக் சிக்ஸர் விளாச அதே ஓவரில் 18 பந்துகளில் 3 பவுண்டரி 3 சிக்ஸருடன் 40 ரன்கள் எடுத்து அவுட்டானார். இறுதியில் இந்தியா 20 ஓவர்களில் 5 விக்கெட் இழப்பிற்கு 249 ரன்கள் எடுத்தது. திலக் வர்மா 18 பந்துகளில் 3 பவுண்டரி 3 சிக்ஸருடன் 44 ரன்கள் எடுத்து ஆட்டமிழக்காமல் இருந்தார். தற்போது வெஸ்ட் இண்டீஸ் அணி 250 ரன்கள் இலக்குடன் களமிறங்கியுள்ளது.</p> <p>&nbsp;</p> <p>&nbsp;</p>

Source: Read Full Article