IND vs WI: 224 ரன்கள் டார்கெட்.. அபிஷேக், இஷான் அபாரம்! இந்த முறையும் எட்டிப்பிடிக்குமா வெஸ்ட் இண்டீஸ்?

<p>இந்தியா - வெஸ்ட் இண்டீஸ் அணிகள் மோதும் 3வது டி20 போட்டி நடந்து வருகிறது. இந்த போட்டியில் டாஸ் வென்ற வெஸ்ட் இண்டீஸ் முதலில் பந்துவீச்சைத் தேர்வு செய்தது.&nbsp;</p> <h2>அபிஷேக் - இஷன் காட்டடி:</h2> <p>இதையடுத்து, ஆட்டத்தை தொடங்கிய இந்திய அணிக்கு சாம்சன் 3 ரன்களில் அவுட்டானார். அதன்பின்னர், ஜோடி சேர்ந்த அபிஷேக் சர்மா - இஷன் கிஷன் அதிரடியாக ஆடினார்கள். &nbsp;இருவரும் பவுண்டரிகளாக விளாசினர். அபிஷேக் சர்மா சிக்ஸர் மழை பொழிந்தார்.&nbsp;</p> <p>இதனால், இந்தியாவின் ஸ்கோர் மளமளவென எகிறியது. அபாரமாக ஆடிய அபிஷேக் சர்மா 18 பந்துகளில் அரைசதம் விளாசினார். இதனால், இந்தியா7 ஓவர்களில் 100 ரன்களை கடந்தது. சிறப்பாக ஆடிக்கொண்டிருந்த இஷன் கிஷன் 18 பந்துகளில் 6 பவுண்டரி 1 சிக்ஸருடன் 37 ரன்களில் அவுட்டானார். சேஸ் பந்தில் சிக்ஸர் அடிக்க முயற்சித்து ஸ்டம்பிங் ஆனார்.</p> <h2><strong>திலக் - அக்ஷர் அசத்தல்:</strong></h2> <p>அடுத்து வந்த கேப்டன் ஸ்ரேயாஸ் 1 ரன்னில் அவுட்டாக மறுமுனையில் பட்டாசாய் வெடித்துக் கொண்டிருந்த அபிஷேக் சர்மா 30 பந்துகளில் 6 பவுண்டரி 5 சிக்ஸருடன் 69 ரன்கள் எடுத்து அவுட்டானார். 114 ரன்களுக்கு 1 விக்கெட் இருந்த இந்தியா 135 ரன்களுக்கு 5 விக்கெட்டுகளை இழக்கவும் தடுமாறியது.</p> <p>திலக் வர்மா - நிதிஷ் ஜோடி மீண்டும் ஆட்டத்தில் அனல் காட்டியது. இருவரும் பவுண்டரிகளாக விளாச இந்தியா ஸ்கோர் மளமளவென எகிறியது. சிறப்பாக ஆடிய நிதிஷ் ரெட்டி 14 பந்துகளில் 21 ரன்களுடன் அவுட்டாக, &nbsp;திலக் வர்மா 16 பந்துகளில் 4 பவுண்டரியுடன் 28 ரன்கள் எடுத்திருந்தபோது ரன் அவுட்டானார்.&nbsp;</p> <h2><strong>224 ரன்கள் டார்கெட்:</strong></h2> <p>கடைசியில் அக்ஷர் படேல் 14 பந்துகளில் 20 ரன்களும், கடைசி ஓவரில் பிரின்ஸ் யாதவ் 3 பவுண்டரிகளை விளாச இந்தியா 20 ஓவரில் அனைத்து விக்கெட்டையும் இழந்து 223 ரன்கள் எடுத்தது. இதனால், 224 ரன்கள் என்ற இலக்கு வெஸ்ட் இண்டீசுக்கு நியமிக்கப்பட்டுள்ளது.</p> <p>கடந்த போட்டியில் 250 ரன்களுக்கு மேல் சேஸ் செய்த வெஸ்ட் இண்டீஸ் இந்த முறையும் இலக்கை எட்டிவிடும் முனைப்பில் களமிறங்கியுள்ளது. அபாயகரமான பேட்ஸ்மேன் ஷாய் ஹோப் 5 ரன்னில் அவுட்டாகியுள்ளார்.ஹெட்மயர் அதிரடி காட்டி வருகிறார். மயங்க் யாதவ், ப்ரின்ஸ் யாதவ், அர்ஷ்தீப்சிங் அதிரடி காட்டினால் இந்த போட்டியில் இந்தியா அபார வெற்றி பெறும்.</p> <p>வெஸ்ட் இண்டீஸ் அணியில் ஷமர் ஜோசப் 54 ரன்களை வாரி வழங்கினார். ஸ்ப்ரிங்கர் 50 ரன்களை வாரி வழங்கினார். சேஸ், ஷமர் ஜோசப், ஸ்ப்ரிங்கர் தலா 2 விக்கெட்டுகளை வீழ்த்தினர்.&nbsp;&nbsp;5 போட்டிகள் கொண்ட இந்த தொடரில் இந்தியா - வெஸ்ட் இண்டீஸ் தலா 1 வெற்றி பெற்றுள்ளது.&nbsp;&nbsp;</p> <p>&nbsp;</p> <p>&nbsp;</p>

Source: Read Full Article