<p>இந்திய கிரிக்கெட் அணி நியூசிலாந்திற்கு சுற்றுப்பயணம் மேற்கொண்டு டி20 கிரிக்கெட் தொடரில் ஆடி வருகிறது. இரு அணிகளும் மோதும் முதல் டி20 கிரிக்கெட் போட்டி இன்று அந்த நாட்டில் உள்ள கிறிஸ்ட்சர்ச் நகரில் நடந்து வருகிறது.</p>
<h2><strong>மிரட்டல் பேட்டிங்:</strong></h2>
<p>டாஸ் வென்ற இந்தியா பந்துவீச்சைத் தேர்வு செய்தது. இதையடுத்து, ஆட்டத்தை தொடங்கிய நியூசிலாந்து அணி அதிரடியாக ஆடியது. மைதானம் பேட்டிங்கிற்கு நல்ல ஒத்துழைப்பு அளிக்கும் இந்த மைதானத்தில் டிம் செய்ஃபெர்ட் - ஃபின் ஆலன் ஜோடியாக ஆட்டத்தை தொடங்கினர். </p>
<p>இருவரும் அதிரடியாக ஆடினர். சிறப்பாக ஆடிய இந்த ஜோடியை மயங்க் யாதவ் பிரித்தார். அபாரமாக ஆடிய டிம் செஃபெர்ட் 17 பந்துகளில் 3 பவுண்டரி 1 சிக்ஸருடன் 24 ரன்கள் எடுத்து ஆட்டமிழந்தார். பின்னர் வந்த டேரில் மிட்செல் அவருக்கு ஒத்துழைப்பு அளிக்க ஃபின் ஆலன் பவுண்டரியும், சிக்ஸரும் விளாசினார். சிறப்பாக ஆடிய ஃபின் ஆலன் 24 பந்துகளில் 5 பவுண்டரி 2 சிக்ஸருடன் 45 ரன்கள் எடுத்து அவுட்டானார்.</p>
<h2><strong>கிழித்தெடுத்த கிளென் பிலிப்ஸ்:</strong></h2>
<p>டேரில் மிட்செல் 28 ரன்களில் அவுட்டாக மறுமுனையில் கிளென் பிலிப்ஸ் பட்டாசாய் வெடித்தார். அவர் பவுண்டரியும், சிக்ஸரும் விளாசினார். அவரை கட்டுப்படுத்த இந்திய பந்துவீச்சாளர்கள் சிரமப்பட்டனர். அவருடன் பார்ட்னர்ஷிப் அமைத்த பீவோன் ஜேக்கப்ஸ் சிக்ஸராக விளாசினார்.</p>
<p>புவனேஷ்வர், அர்ஷ்தீப், மயங்க், அக்ஷர் படேல், நிதிஷ் ரெட்டி என யார் வீசினாலும் இந்த ஜோடி விளாசியது. அபாரமாக ஆடிய பீவோன் ஜேக்கப்ஸ் 16 பந்துகளில் 3 சிக்ஸருடன் 31 ரன்கள் எடுத்து அவுட்டானார். சிறப்பாக ஆடிய கிளென் பிலிப்ஸ் அபாரமாக ஆடி அரைசதத்தை கடந்தார். இறுதியில் நியூசிலாந்து அணி 20 ஓவர்கள் முடிவில் 4 விக்கெட் இழப்பிற்கு 225 ரன்கள் எடுத்தது. பிலிப்ஸ் கடைசி வரை அவுட்டாகாமல் அவர் 40 பந்துகளில் 8 பவுண்டரி 3 சிக்ஸருடன் 82 ரன்கள் எடுத்து ஆட்டமிழக்காமல் இருந்தார்.</p>
<h2><strong>226 ரன்கள் டார்கெட்:</strong></h2>
<p>226 ரன்கள் என்ற இமாலய இலக்கை நோக்கி களமிறங்கியுள்ள இந்திய அணிக்கு சாம்சன் - அபிஷேக் சர்மா அபாரமாக ஆடினர். சாம்சன் பவுண்டரியும், சிக்ஸரும் விளாசி நியூசிலாந்து பந்துவீச்சை வெளுத்து வருகிறார். மறுமுனையில் அபிஷேக் சர்மாவும் பவுண்டரியும், சிக்ஸரும் விளாசினார். இ்ந்த ஜோடியின் அபாரமான ஆட்டத்தால் இந்திய அணியின் ஸ்கோர் ஜெட் வேகத்தில் ஏறிக் கொண்டிருக்கிறது. </p>
<p>சிறப்பாக ஆடிய அபிஷேக் சர்மா 12 பந்துகளில் 2 பவுண்டரி 3 சிக்ஸருடன் 29 ரன்கள் எடுத்து அவுட்டானார். சாம்சன் தனது அதிரடியான பேட்டிங்கைத் தொடரும் நிலையில் இந்திய அணி 8 ஓவர்களில் 112 ரன்களை கடந்துள்ளது. இந்திய அணியில் இஷான் கிஷன், ஸ்ரேயாஸ், நிதிஷ், நமன் தீர், அக்ஷர் படேல் வெளியில் இருப்பதால் ரசிகர்கள் நம்பிக்கையுடன் உள்ளனர்.</p>
<p> </p>
Source: Read Full Article
