CM Vijay: தவெக வெற்றி பெற்ற தாராபுரம், மதுராந்தகத்திற்கு சிறப்புத் திட்டங்கள்! முதலமைச்சர் விஜய் அறிவிப்பு!

<p>தமிழ்நாட்டில் காலியாக இருந்த தாராபுரம் மற்றும் மதுராந்தகம் ஆகிய இரு தொகுதிகளுக்கான இடைத்தேர்தலில் திமுக, அதிமுக ஆகிய இரு கட்சிகளையும் வீழ்த்தி தவெக வெற்றி பெற்றது. இந்த நிலையில், இந்த இரு தொகுதிகளுக்கான புதிய திட்டங்களை <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசு அறிவித்துள்ளது.</p> <h2><strong>தாராபுரம், மதுராந்தகத்திற்கு சிறப்புத் திட்டங்கள்:</strong></h2> <p>முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> இதுதொடர்பாக வெளியிட்டுள்ள அறிவிப்பில் கூறியிருப்பதாவது,&nbsp;</p> <p>1. திருப்பூர் மாவட்டத்தில் உள்ள 2 ஆயிரத்து 455 ஊரக குடியிருப்புகளில் 1,223 ஊரக குடியிருப்புகளுக்கு காவிரி கூட்டுக்குடிநீர் வழங்கப்பட்டு வருகிறது. மீதமுள்ள தாராபுரம், காங்கேயம், குண்டடம், பொங்கலூர், வெள்ளக்கோயில் ஊராட்சி ஒன்றியங்கள் மற்றும் மூலனூரின் 7 ஊராட்சிகள், பல்லடத்தின் 17 ஊராட்சிகளைச் சேர்ந்த மொத்தம் 1,232 ஊரக குடியிருப்புகளுக்கு காவிரி ஆற்றுநீரினை ஆதாரமாகக் கொண்ட புதிய கூட்டுக்குடிநீர் திட்டம் 1439 கோடி ரூபாய் மதிப்பீட்டில் செயல்படுத்தப்படும்.</p> <p>2. தாராபுரம் சட்டமன்ற தொகுதிக்குட்பட்ட பகுதிகளில் வீடற்றவர்களுக்கு 2,700 இலவச வீட்டுமனைப் பட்டாக்கள் வழங்கப்படும். தாராபுரம் வட்டம், சின்னப்புத்தூர் கிராமம், மஜரா குருவப்ப நாயக்கன் பாளையத்தில் 20 ஆண்டுகளாக வீடுகட்டி குடியிருந்து வரும் 87 குடும்பங்களுக்குப் பட்டா வழங்க உரிய நடவடிக்கை எடுக்கப்படும்.&nbsp;</p> <blockquote class="twitter-tweet"> <p dir="ltr" lang="en">Chief Minister Vijay announces new schemes for the Dharapuram Assembly constituency https://t.co/oOYkyPrFAU</p> &mdash; Kannan Jeevanantham (JK) (@Im_kannanj) <a href="https://x.com/Im_kannanj/status/2112082531097170347?ref_src=twsrc%5Etfw">October 19, 2026</a></blockquote> <p> <script src="https://platform.x.com/widgets.js" async="" charset="utf-8"></script> </p> <p>3.திருப்பூர் மாவட்டத்தில் பாசன கால்வாய்களில் உள்ள மண்திட்டுக்களை அகற்றி தூர்வாரும் 159 பணிகள் சுமார 10 கோடி ரூபாய் மதிப்பீட்டில் மேற்கொள்ளப்படும். &nbsp;குறிப்பாக, தாராபுரம் சட்டமன்றத் தொகுதியில் பாசன வாய்க்கால்களில் உள்ள மண்திட்டுகள், புதர்கள் மற்றும் முட்செடிகளை அகற்றி சுமார் 271 கி.மீட்டர் நீளத்தி்றகு வாய்க்கால்கள் மற்றும் கால்வாய்கள் தூர்வாரும் பணிகள் விரைவில் மேற்கொள்ளப்படும்.</p> <p>4. தாராபுரம் மூலனூர், குண்டடம் வட்டாரங்களில் புதிய மேல்நிலை நீர்த்தேக்க தொட்டிகள் அமைத்து சுமார் 13 ஆயிரம் குடிநீர் இணைப்புகள் வழங்கப்படும்.</p> <p>5. தாராபுரம் வட்டம் மூலனூரில் ஒரு புதிய தீயணைப்பு மற்றும் மீட்பு பணிகள் நிலையம் அமைக்கப்படும்.&nbsp;</p> <p>6. தாராபுரம் நகராட்சியில் சுமார் 6 கோடி ரூபாய் மதிப்பீட்டில் குடிநீர் மேல்நிலை நீர்த்தேக்க தொட்டி மற்றும் குடிநீர் மேம்பாட்டுப் பணிகளும், சுமார் 40 லட்சம் ரூபாய் மதிப்பீட்டில் தெருவிளக்குகள் அமைக்கும் பணிகளும், சுமார் 6 கோடி ரூபாய் மதிப்பீட்டில் திடக்கழிவு மேலாண்மைப் பணிகளும், மேலும் மழைநீர் வடிகால் மேம்பாட்டு பணிகளும் மேற்கொள்ளப்படும்.</p> <p>இவ்வாறு அதில் தெரிவிக்கப்பட்டுள்ளது.</p> <p><iframe src="//www.youtube.com/embed/vYE7bRrBW-0?si=G1pYYKDR2BvdhS_K" width="560" height="314" allowfullscreen="allowfullscreen"></iframe></p>

Source: Read Full Article