<h2><strong>"இன்ஸ்டாகிராம் மூலம் காதல்"</strong></h2>
<p>ராணிப்பேட்டை மாவட்டம் வாலாஜாபேட்டை அணைக்கட்டு சாலை பாரதி நகரைச் சேர்ந்தவர் பிரசாந்த் ( வயது 28 ) இவர் போஸ்டர் மற்றும் மளிகைக் கடையில் வேலை செய்து வந்ததாகக் கூறப்படுகிறது. இவர், இன்ஸ்டாகிராம் மூலம் ஏற்பட்ட பழக்கத்தில் கள்ளக்குறிச்சி மாவட்டம், உளுந்தூர்பேட்டை பகுதியைச் சேர்ந்த சுபுலட்சுமி ( வயது 21 ) என்ற இளம்பெண்ணைக் காதலித்து வந்துள்ளார்.</p>
<p>இவர்களது காதலுக்கு சுபுலட்சுமியின் குடும்பத்தினர் எதிர்ப்பு தெரிவித்ததாகக் கூறப்படுகிறது. இதனால் வீட்டை விட்டு வெளியேறியுள்ளார் சுபுலட்சுமி. கடந்த ஓராண்டாக வாலாஜாபேட்டையில் உள்ள பிரசாந்த் வீட்டில் இருவரும் கணவன் - மனைவியாக வசித்து வந்துள்ளனர்.</p>
<h2><strong>"விஷம் அருந்தி , தூக்கிட்டு தற்கொலை"</strong></h2>
<p>பிரசாந்துக்கு ஏற்கெனவே திருமணமாகி , கருத்து வேறுபாடு காரணமாக முதல் மனைவி பிரிந்து வாழ்வதாகக் கூறப்படுகிறது. சமீபத்தில் பிரசாந்த் - சுபுலட்சுமி இடையே கருத்து வேறுபாடு ஏற்பட்டதாகக் கூறப்படும் நிலையில், சுபுலட்சுமி வீட்டில் விஷம் குடித்தும், பிரசாந்த் மற்றொரு அறையில் தூக்கிட்டும் உயிரிழந்ததாகத் தெரிகிறது.</p>
<p>நீண்ட நேரமாக வீட்டின் கதவு திறக்கப்படாததால் சந்தேகமடைந்த பிரசாந்தின் தம்பி <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> மற்றும் அவரது நண்பர்கள் உள்ளே சென்று பார்த்த போது, இருவரும் உயிரிழந்து கிடந்ததைப் பார்த்துள்ளனர்.</p>
<p>இதுகுறித்து தகவலறிந்து சம்பவ இடத்திற்கு வந்த வாலாஜாபேட்டை போலீசார், இருவரின் உடல்களையும் மீட்டு பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். மேலும், இச்சம்பவம் குறித்து வழக்குப் பதிவு செய்து விசாரணை மேற்கொண்டு வருகின்றனர்</p>
Source: Read Full Article
