வங்கக்கடலில் நாளை உருவாகும் புயல் - தமிழகத்தில் வெளுத்து வாங்கிய மழை!

<p>வங்கக்கடலில் நிலவி வந்த காற்றழுத்த தாழ்வுப்பகுதி தீவிர காற்றழுத்த தாழ்வு பகுதியாக மாறி பின் காற்றழுத்த தாழ்வு மண்டலமாக வலுப்பெற்றது. இந்த காற்றழுத்த தாழ்வு மண்டலம் நாளை புயலாக வலுப்பெறக்கூடும் எனவும், வருகிற 28-ஆம் தேதியன்று ஆந்திர மாநிலம் விசாகப்பட்டினம் - பாபட்லா இடையே கரையை கடக்க வாய்ப்புள்ளதாகவும் வானிலை ஆய்வு மையம் தெரிவித்துள்ளது. இதன் காரணமாக இரவு முதல் சென்னை, செங்கல்பட்டு, திருச்சி, பெரம்பலூர் மற்றும் நீலகிரி உள்ளிட்ட மாவட்டங்களில் மழை வெளுத்து வாங்கியது.</p> <h2><br /><strong>3 மாவட்டங்களுக்கு ரெட் அலர்ட் எச்சரிக்கை</strong></h2> <p>மதுரை ,தேனி, திண்டுக்கல் ஆகிய 3 மாவட்டங்களில் இன்று அதிகனமழைக்கான ரெட் அலர்ட் விடுக்கப்பட்டுள்ளது. இதே போன்று தஞ்சாவூர், நாகை, திருவாரூர், திருச்சி,கரூர் பெரம்பலூர், புதுக்கோட்டை, அரியலூர், கோவை, திருப்பூர், நீலகிரி, மயிலாடுதுறை, கடலூர், சிவகங்கை ஆகிய 14 மாவட்டங்களில் மிக கனமழைக்கான ஆரஞ்சு எச்சரிக்கை விடுக்கப்பட்டுள்ளது.</p> <h2><strong>17 மாவட்டங்களில் கனமழைக்கு வாய்ப்பு</strong></h2> <p>சென்னை, திருவள்ளூர், செங்கல்பட்டு, காஞ்சிபுரம்,விழுப்புரம்,வேலூர், ராணிப்பேட்டை,திருப்பத்தூர்,கள்ளக்குறிச்சி,திருவண்ணாமலை,நாமக்கல்,சேலம்,தர்மபுரி, கிருஷ்ணகிரி, விருதுநகர், ஈரோடு, கன்னியாகுமரி ஆகிய 17 மாவட்டங்களுக்கு கனமழைக்கான மஞ்சள் அலர்ட் எச்சரிக்கையை வானிலை ஆய்வு மையம் விடுத்துள்ளது.</p>

Source: Read Full Article