<p>மதுரையில் மழைக்கால முன்னெச்சரிக்கை நடவடிக்கைகள்: கண்மாய்களைத் தூர்வாரி நடைபாதைகள் அமைக்கத் திட்டம் , தமிழகம் முழுவதும் மழை பெய்யும்போது பொதுமக்களுக்கு எவ்விதத் தொந்தரவும் ஏற்படாத வகையில் அனைத்து முன்னெச்சரிக்கை நடவடிக்கைகளும் எடுக்கப்பட்டு வருவதாக அமைச்சர் ஆனந்த் பேட்டி.</p>
<div dir="auto"><strong>கண்மாயைத் தூர்வாருவதுடன், நடைபாதைகளையும் அமைக்கத் திட்டம் - அமைச்சர் தகவல்</strong></div>
<div dir="auto"> </div>
<div dir="auto">தமிழக முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> உத்தரவின்படி, மழைக்காலத்தை எதிர்கொள்வது தொடர்பாக மூன்று மாதங்களுக்கு முன்பே பல்வேறு ஆலோசனைக் கூட்டங்கள் மற்றும் ஆய்வுக் கூட்டங்கள் நடத்தப்பட்டு, முன்னெச்சரிக்கை நடவடிக்கைகள் மேற்கொள்ளப்பட்டதால், ஒரு மணி நேரம் பெய்த மழையிலும் மழைநீர் தேங்காமல் இருக்க நடவடிக்கை எடுக்கப்பட்டுள்ளதாக அமைச்சர் ஆனந்த் தெரிவித்தார்.</div>
<div dir="auto"> </div>
<div dir="auto">
<div dir="auto"><strong>பணிகள் இன்று தொடங்கி வைக்கப்பட்டுள்ளன.</strong></div>
<div dir="auto"> </div>
</div>
<div dir="auto">மதுரையில் முதலமைச்சரின் அறிவுறுத்தலின்படி, ரோட்டரி சங்கத்தின் மூலம் நான்கு ஏக்கர் பரப்பளவு கொண்ட கண்மாயைத் தூர்வாரி, புனரமைக்கும் பணி தொடங்கப்பட்டுள்ளது. கண்மாயைத் தூர்வாருவதுடன், பொதுமக்கள் நடைப்பயிற்சி மேற்கொள்வதற்கான நடைபாதைகளையும் அமைக்கத் திட்டமிடப்பட்டுள்ளது. இதற்கான பணிகள் இன்று தொடங்கி வைக்கப்பட்டுள்ளன.</div>
<div dir="auto"> </div>
<div dir="auto"><strong>ஆலோசனைக் கூட்டங்களில் பல்வேறு அறிவுறுத்தல்கள் வழங்கப்பட்டுள்ளன</strong></div>
<div dir="auto"> </div>
<div dir="auto">மழைக்காலத்தில் பொதுமக்களுக்கு எவ்விதப் பாதிப்பும் ஏற்படாமல் தடுப்பது தொடர்பாக முதலமைச்சர் தலைமையில் நடைபெற்ற ஆலோசனைக் கூட்டங்களில் பல்வேறு அறிவுறுத்தல்கள் வழங்கப்பட்டுள்ளன. இதன் அடிப்படையில், மழைநீர் தேங்கக்கூடிய பகுதிகளைக் கண்டறிந்து, ஏரிகள் மற்றும் குளங்களைத் தூர்வாருவதற்கான நடவடிக்கைகள் மேற்கொள்ளப்பட்டு வருகின்றன. மதுரையில் உள்ள அமைச்சர்கள் மற்றும் சட்டமன்ற உறுப்பினர்களுடன் கலந்து ஆலோசித்து, மழைக்காலம் தொடங்குவதற்கு முன்பாகவே தூர்வார வேண்டிய ஏரிகள், குளங்கள் மற்றும் கண்மாய்கள் அடையாளம் காணப்பட்டு, அதற்கான பணிகள் மேற்கொள்ளப்பட்டு வருகின்றன.</div>
<div dir="auto"> </div>
<div dir="auto">
<div dir="auto"><strong>முன்னெச்சரிக்கை நடவடிக்கைகளும் எடுக்கப்பட்டு வருவதாக அமைச்சர் ஆனந்த் தெரிவித்தார்.</strong></div>
</div>
<div dir="auto"> </div>
<div dir="auto">இதுதொடர்பாக அரசு அதிகாரிகளுக்கும் முதலமைச்சர் பல்வேறு உத்தரவுகளைப் பிறப்பித்துள்ளார். மழைக்காலத்தில் பொதுமக்களின் இயல்பு வாழ்க்கை பாதிக்கப்படாமல் இருப்பதற்கும், சாலைகளில் மழைநீர் தேங்குவதைத் தடுப்பதற்கும் தேவையான நடவடிக்கைகள் தொடர்ந்து மேற்கொள்ளப்பட்டு வருகின்றன. தமிழகம் முழுவதும் மழை பெய்யும்போது பொதுமக்களுக்கு எவ்விதத் தொந்தரவும் ஏற்படாத வகையில் அனைத்து முன்னெச்சரிக்கை நடவடிக்கைகளும் எடுக்கப்பட்டு வருவதாக அமைச்சர் ஆனந்த் தெரிவித்தார்.</div>
Source: Read Full Article
