<p>இந்தியா முழுவதும் கோலாகலமாக கொண்டாடப்படும் பண்டிகைகளில் ஒன்று விநாயகர் சதுர்த்தி. விநாயகர் சதுர்த்தி பண்டிகை என்றாலே வட இந்தியாவிலும், தென் இந்தியாவிலும் விநாயகர் சதுர்த்தி கொண்டாட்டம் களை கட்டும். </p>
<h2><strong>விநாயகர் சதுர்த்தி:</strong></h2>
<p>விநாயகர் சதுர்த்தி கொண்டாட்டம் என்றாலே விநாயகர் சிலைகள்தான் பிரதானம் ஆகும். விதவிதமாக சிறியது முதல் பிரம்மாண்டமான அளவில் விநாயகர் சிலைகள் செய்யப்பட்டு சாலைகளில் பக்தர்கள் உற்சாகத்துடன் கொண்டு சென்று நீர்நிலைகளில் கரைப்பது வழக்கம்.</p>
<h2>விதவிதமான விநாயகர் சிலைகள்:</h2>
<p>விநாயகர் சதுர்த்திக்காக சிலைகள் செய்யும் பணிகள் கடந்த இரு மாதமாக நடந்து வருகிறது. <a title="விநாயகர் சதுர்த்தி" href="https://tamil.abplive.com/topic/vinayagar-chaturthi-2026" data-type="interlinkingkeywords">விநாயகர் சதுர்த்தி</a> என்றாலே வழக்கமான விநாயகர் சிலைகளுடன் ட்ரெண்டிங்கிற்கு ஏற்ற விநாயகர் சிலைகள் செய்யப்பட்டு விற்பனைக்கு வருவதும் வழக்கம். </p>
<h2><strong>விஜய் விநாயகர் சிலை:</strong></h2>
<p>தமிழ்நாட்டில் நடந்து முடிந்த சட்டமன்ற தேர்தலில் வெற்றி பெற்று <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> ஆட்சி நடந்து வரும் நிலையில், முதலமைச்சர் விஜய் சட்டமன்றத்தில் செய்த சைகையைப் போலவே கோட் - சூட் அணிந்த விநாயகர் சிலை செய்யப்பட்டு விற்பனைக்கு வந்துள்ளது. இந்த விநாயகர் சிலை விற்பனை படுஜோராக நடந்து வருகிறது.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/09/09/744e04e97ec6a664bb56f98b1c8e8d8b1788958433779102_original.jpg" /></p>
<h2><strong>ஆர்சிபி விநாயகர் சிலை:</strong></h2>
<p>மேலும், ஐபிஎல் தொடரில் சாம்பியன் பட்டம் வெற்றி ஆர்சிபி அணியை கொண்டாடும் விதமாக ஆர்சிபி விநாயகர் சிலையும் செய்யப்பட்டுள்ளது. இந்த சிலையின் விற்பனையும் படுஜோராக நடந்து வருகிறது.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/09/09/575703d8cdddaa769ec1f8101cd8d80f1788958459523102_original.jpeg" width="290" height="517" /></p>
<p>ரஜினிகாந்த் நடித்த ஜெயிலர் படம் மிகப்பெரிய வெற்றி பெற்ற நிலையில், ரஜினியின் ஜெயிலர் படத்தை பிரதிபலிக்கும் வகையில் ஜெயிலர் விநாயகர் சிலை செய்யப்பட்டு அந்த படம் வெளியான ஆண்டு விற்பனை செய்யப்பட்டது. இந்தாண்டு ஜெயிலர் 2 படம் வெளியாக உள்ள நிலையில், தற்போதும் ஜெயிலர் விநாயகர் விற்பனை நடந்து வருகிறது.</p>
<h2><strong>ஆபரேஷன் சிந்தூர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>:</strong></h2>
<p>ஆபரேஷன் சிந்தூரில் இந்திய வீரர்களின் பெருமையை பறைசாற்றும் வகையில் இந்திய ராணுவ உடையில் உள்ள விநாயகர் சிலை 2025ம் ஆண்டு விற்பனை செய்யப்பட்டது. இந்தாண்டும் அந்த விநாயகர் சிலை விற்பனை செய்யப்பட்டு வருகிறது.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/09/09/fa3f5e42f7f3211f8f54fdf5031541c41788958520082102_original.jpeg" width="759" height="427" /></p>
<p>பிரபாஸ் நடிப்பில் வெளியான பாகுபலி படம் மிகவும் பிரபலம் ஆகும். அந்த படத்தில் பிரபாஸ் சிவலிங்கத்தை சுமந்து செல்லும் காட்சி மிக மிக பிரபலம். இதேகாட்சியை உணர்த்தும் வகையில் பாகுபலி விநாயகர் சிலை ஒவ்வொரு ஆண்டும் தயாரிக்கப்பட்டு விற்பனைக்கு சந்தைக்கு வருகிறது.</p>
<h2><strong>ட்ரெண்டிங் விநாயகர் சிலை:</strong></h2>
<p>இந்திய அளவில் வெற்றி பெற்ற மற்றொரு திரைப்படமான ஆர்ஆர்ஆர் படத்தில் ராம்சரண் ராமர் வேடத்தில் இருந்த காட்சியை உணர்த்தும் வகையில் ராமர் விநாயகர் சிலையும் விற்பனை செய்யப்பட்டது. இந்தாண்டும் அதேபோல விநாயகர் சிலை விற்பனைக்கு வருகிறது. </p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/09/09/b50304c94ba5b42ecc0051181a8b19b61788958571676102_original.jpeg" width="834" height="469" /></p>
<p>இந்த விநாயகர் சிலைகள் மட்டுமின்றி பள்ளி செல்லும் விநாயகர் சிலை, ஆசிரியர் விநாயகர் சிலை, டீன் ஏஜ் விநாயகர், சிக்ஸ்பேக் விநாயகர் சிலை என ட்ரெண்டிங்கில் உள்ள விநாயகர் சிலைகள் தயாரிக்கப்பட்டு தீவிரமாக விற்பனை செய்யப்பட்டு வருகிறது. </p>
Source: Read Full Article
