TVK Candidates: மதுராந்தகம், தாராபுரம் இடைத்தேர்தல்.. வேட்பாளர்களை அறிவித்த விஜய்.. அனல் பறக்கும் மோதல்!

<p>மதுராந்தகம், தாராபுரம் ஆகிய இரு தொகுதி இடைத்தேர்தலுக்கான வேட்பாளர்களை தமிழக வெற்றிக் கழகம் அறிவித்துள்ளது.&nbsp;</p> <p>தமிழ்நாடு சட்டமன்ற தேர்தலில் தவெக வெற்றி பெற்று ஆட்சியமைத்த நிலையில் அதிமுக சார்பில் போட்டியிட்ட 6 எம்.எல்.ஏ.,க்கள் தங்கள் சட்டமன்ற உறுப்பினர் பதவியை ராஜினாமா செய்து அதிர்ச்சியளித்தனர். மதுராந்தகம், பெருந்துறை, தாராபுரம், அம்பாசமுத்திரம், விராலிமலை, கரூர், திருச்சி கிழக்கு ஆகிய 7 தொகுதிகள் தற்போது காலியாக உள்ளது. ஆனால் இடைத்தேர்தல் தொடர்பான வழக்கு ஒன்று சென்னை உயர்நீதிமன்றத்தில் நிலுவையில் உள்ளதால் மதுராந்தகம், தாராபுரம் ஆகிய இரு தனித் தொகுதிகளுக்கு மட்டும் இடைத்தேர்தல் நடைபெறும் என அறிவிக்கப்பட்டுள்ளது.&nbsp;</p> <p>இந்த நிலையில் இரு தொகுதி இடைத்தேர்தலில் போட்டியிடும் வேட்பாளர்களை திமுக நேற்று அறிவித்தது. அதன்படி மதுராந்தகத்தில் பரந்தாமன், தாராபுரத்தில் சுகன்யா ஆகிய இருவரும் தேர்வு செய்யப்பட்டனர்.</p> <p>இந்த நிலையில் ஆளும் கட்சியான தமிழக வெற்றிக் கழகம் வேட்பாளர்களை அறிவித்துள்ளது. அதன்படி முதலமைச்சரும், தவெக தலைவருமான விஜய் வெளியிட்டுள்ள அறிக்கையில், &ldquo;வருகிற 06.10.2026 அன்று நடைபெற உள்ள மதுராந்தகம் (தனி), தாராபுரம் (தனி) ஆகிய சட்டமன்றத் தொகுதிகளின் இடைத்தேர்தலில் மதச்சார்பற்ற சமூகநீதி வெற்றிக் கூட்டணி சார்பில் தமிழக வெற்றிக் கழகத்தின் வேட்பாளர்களாக&nbsp; தவெக துணைப் பொதுச் செயலாளர் மரகதம் குமரவேல், திருப்பூர் தென்கிழக்கு மாவட்டக் கழகச் செயலாளர் சத்தியபாமா ஆகியோர் போட்டியிடுவார்கள்&rdquo; என கூறப்பட்டுள்ளது.&nbsp;</p> <p>இவர்கள் இருவருக்கும் கழக நிர்வாகிகள் மற்றும் தோழர்கள் அனைவரும் வெற்றி ஒன்றையே குறிக்கோளாகக் கொண்டு நம் வெற்றி வேட்பாளர்களுக்கு வாக்கு சேகரித்து, வரலாற்றுச் சிறப்புமிக்க வெற்றியைப் பெற்றுத் தருமாறு அன்புடன் கேட்டுக்கொள்கிறேன் எனவும் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> தலைவர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> தெரிவித்துள்ளார். அறிவிக்கப்பட்டுள்ள வேட்பாளர்கள் இருவரும் கடந்த ஏப்ரல் மாதம் நடந்த சட்டமன்ற தேர்தலில் அதிமுக சார்பில் போட்டியிட்டு வெற்றி பெற்றவர்கள் என்பது குறிப்பிடத்தக்கது.&nbsp;</p> <h2><strong>கடந்த தேர்தலில் வெற்றி நிலவரம்</strong></h2> <p>அந்த தேர்தலில் மரகதம் குமரவேல் தன்னை எதிர்த்து போட்டியிட்ட தவெக வேட்பாளர் எழில் கேத்ரின் எழில்மலையை விட சுமார் 7194 வாக்குகள் வித்தியாசத்தில் வெற்றி பெற்றார். இதில் மரகதம் குமரவேல் 69284 வாக்குகள் பெற்றிருந்தார்.&nbsp;</p> <p>அதேசமயம் தாராபுரத்தில் போட்டியிட்ட சத்யபாமா திமுக வேட்பாளர் இந்திராணியை விட சுமார் 16727 வாக்குகள் அதிகம் பெற்றார். தவெக வேட்பாளர் கௌரி சித்ராவை விட 34662 அதிகம் பெற்றிருந்தார். சத்யபாமாவுக்கு மட்டும் 81,100 வாக்குகள் கிடைத்திருந்தது.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/add-makhana-to-your-diet-for-a-healthy-life-273954" width="631" height="381" scrolling="no"></iframe></p>

Source: Read Full Article