<p>பாகிஸ்தான் அணி இங்கிலாந்தில் சுற்றுப்பயணம் மேற்கொண்டு கிரிக்கெட் விளையாடி வருகிறது. இரு அணிகளும் 3 டெஸ்ட் போட்டிகள் கொண்ட தொடரில் ஆடி வருகிறது. முதல் 2 டெஸ்ட் போட்டியில் இங்கிலாந்து அணி வெற்றி பெற்ற நிலையில், 3வது டெஸ்ட் போட்டி பர்மிங்காமில் நடந்து வருகிறது. </p>
<h2><strong>பாகிஸ்தான் ஆல் அவுட்:</strong></h2>
<p>இந்த டெஸ்ட் போட்டியில் முதலில் ஆடிய பாகிஸ்தான் அணி 133 ரன்களுக்கு ஆல் அவுட்டானது. கேப்டனாக களமிறங்கிய பாபர் அசாம் முதல் இன்னிங்சில் வெறும் 7 ரன்கள் மட்டுமே எடுத்து அவுட்டானார். பாகிஸ்தான் அணிக்காக சிறப்பாக ஜொலித்து வந்த பாபர் அசாமை விராட் கோலியுடன் ஒரு காலத்தில் ஒப்பிட்டு வந்தனர்.</p>
<h2><strong>படுமோசத்தில் பாபர் அசாம்:</strong></h2>
<p>ஆனால், சமீபகாலமாக அவரது செயல்பாடு என்பது மிகப்பெரிய அளவில் விமர்சனத்திற்கு ஆளாகி வருகிறது. பாபர் அசாம் தனது கடைசி 10 டெஸ்ட் இன்னிங்சில் எடுத்த ரன்கள்</p>
<p>1. 14 ரன்கள் ( வங்கதேசத்திற்கு எதிராக)</p>
<p>2. 68 ரன்கள் ( வங்கதேசத்திற்கு எதிராக)</p>
<p>3.47 ரன்கள் ( வங்கதேசத்திற்கு எதிராக)</p>
<p>4. 23 ரன்கள் ( வெஸ்ட் இண்டீசுக்கு எதிராக)</p>
<p>5. 58 ரன்கள் ( வெஸ்ட் இண்டீசுக்கு எதிராக)</p>
<p>6. 24 ரன்கள் ( வெஸ்ட் இண்டீசுக்கு எதிராக)</p>
<p>7. 88 ரன்கள் ( வெஸ்ட் இண்டீசுக்கு எதிராக)</p>
<p>8. 8 ரன்கள் ( இங்கிலாந்துக்கு எதிராக)</p>
<p>9. 6 ரன்கள் ( இங்கிலாந்துக்கு எதிராக)</p>
<p>10. 7 ரன்கள் ( இங்கிலாந்துக்கு எதிராக)</p>
<p>இதில் வெஸ்ட் இண்டீசுக்கு எதிராக 58 ரன்கள, 24 ரன்கள் மட்டுமே ஆட்டமிழக்காமல் எடுத்துள்ளார். கடந்த 10 இன்னிங்சில் 3 அரைசதம் மட்டும் விளாசியுள்ளார். அதுவும் வெஸ்ட் இண்டீஸ், வங்கதேசத்திற்கு எதிராக வந்தது ஆகும். </p>
<h2><strong>ஒற்றை இலக்கம்:</strong></h2>
<p>இங்கிலாந்து மண்ணில் இவர் கடைசியாக ஆடிய 3 இன்னிங்சிலும் ஒற்றை இலக்கத்தில் ஆட்டமிழந்துள்ளார். பாபர் அசாம் தனது டெஸ்ட் கிரிக்கெட் வரலாற்றில் இதுவரை 66 போட்டிகளில் 121 இன்னிங்சில் ஆடி 9 சதங்கள் விளாசியுள்ளார். இதில் 6 சதங்கள் பாகிஸ்தானிலே வந்தது. 1 சதம் இலங்கையிலும், 1 சதம் ஐக்கிய அரபு அமீரகத்திலும் வந்தது. எஞ்சிய ஒரு சதம் ஆஸ்திரேலிய மண்ணில் வந்தது. </p>
<p>இங்கிலாந்து மண்ணில் இதுவரை 6 டெஸ்ட் போட்டிகளில் ஆடியுள்ள பாபர் அசாம் இதுவரை 1 சதம் கூட விளாசியதே இல்லை. 3 முறை அரைசதம் விளாசியுள்ள பாபர் அசாம் அதிகபட்சமாக 69 ரன்கள் எடுத்துள்ளார். இங்கிலாந்து மண்ணில் 284 ரன்கள் எடுத்துள்ளார். இங்கிலாந்து மண்ணில் அவரது சராசரி 40.57 ஆகும். ஆனால், கடந்த இரண்டு டெஸ்ட் போட்டிகளில் அவரது செயல்பாடு மிகவும் மோசமாக உள்ளது. </p>
<h2><strong>வெளிநாட்டு மண்ணில் தடுமாற்றம்:</strong></h2>
<p>விராட் கோலியுடன் ஒரு காலத்தில் ஒப்பிடப்பட்ட பாபர் அசாம் தொடர்ந்து மோசமாக ஆடி வருவதும் குறிப்பாக வெளிநாட்டு மண்ணில் தடுமாறுவதும் அந்த நாட்டு ரசிகர்களுக்கு வேதனையை உண்டாக்கியுள்ளது. தற்போது நடந்து வரும் டெஸ்ட் போட்டியில் இங்கிலாந்து அணி 250 ரன்களுக்கு 5 விக்கெட்டை இழந்து ஆடி வருகிறது. ரசூல்லா 2 விக்கெட்டையும், முகமது அப்பாஸ் மற்றும் முகமது அலி தலா 1 விக்கெட் வீழ்த்தியுள்ளனர்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/health/don-t-put-potatoes-and-onions-together-it-s-dangerous-to-your-life-274093" width="631" height="381" scrolling="no"></iframe></p>
Source: Read Full Article
