<p>காவிரி விவகாரம் தொடர்பாக தஞ்சையில் நடந்த பொதுக்கூட்டத்தில் சட்டமன்ற எதிர்க்கட்சித் தலைவரும், திமுக இளைஞரணிச் செயலாளருமான உதயநிதி நடிகை த்ரிஷா குறித்து பேசிய கருத்து காரணமாக அவர் கைது செய்யப்பட்டார். அவர் கைதுக்கு எதிர்ப்பு தெரிவித்து திமுக-வினர் ஆர்ப்பாட்டம் செய்தனர்.</p>
<h2><strong>முற்றும் மோதல்:</strong></h2>
<p>இந்த விவகாரத்திற்கு பிறகு திமுக-வினருக்கும், தவெக-வினருக்கும் இடையேயான மோதல் இணையத்தில் பன்மடங்கு அதிகரித்து வருகிறது. இந்த நிலையில், <a title="உதயநிதி ஸ்டாலின்" href="https://tamil.abplive.com/topic/udhayanidhi-stalin" data-type="interlinkingkeywords">உதயநிதி ஸ்டாலின்</a> இன்று தவெக அரசை விமர்சித்துப் பேசியிருந்தார். </p>
<p>அவரது பேச்சுக்கு பதில் தரும் வகையில் தவெக ஐடி விங் இன்று தங்களது எக்ஸ் பக்கத்தில் பதிவிட்டுள்ளனர். அதில், அவர்கள் கூறியிருப்பதாவது, </p>
<h2><strong>வாய்ச்சவடால் ஆபாசநிதி:</strong></h2>
<p>அரசியலாகவும் கருத்தியலாகவும் மோதும் வக்கும் திராணியும் இல்லையென்றாலும், வாய்ச்சவடால் விடுவதில் மட்டும் ஆபாசநிதிக்குக் குறையொன்றுமில்லை.</p>
<blockquote class="twitter-tweet">
<p dir="ltr" lang="ta">அரசியலாகவும் கருத்தியலாகவும் மோதும் வக்கும் திராணியும் இல்லையென்றாலும், வாய்ச்சவடால் விடுவதில் மட்டும் ஆபாசநிதிக்குக் குறையொன்றுமில்லை.<br /><br />மிசாவில் கைதானவர் அப்பா என்று திமுகவினரும், திமுகவின் அடிவருடிகளும் உருட்டுவதற்கு, இது தாத்தா காலம் என்றெண்ணி வாய்க்கு வந்ததை உளறிக்… <a href="https://t.co/hu0anlpljw">pic.twitter.com/hu0anlpljw</a></p>
— TVK IT Wing Official (@TVKHQITWingOffl) <a href="https://x.com/TVKHQITWingOffl/status/2088944122392682814?ref_src=twsrc%5Etfw">August 16, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>மிசாவில் கைதானவர் அப்பா என்று திமுகவினரும், திமுகவின் அடிவருடிகளும் உருட்டுவதற்கு, இது தாத்தா காலம் என்றெண்ணி வாய்க்கு வந்ததை உளறிக் கொட்டியிருக்கிறார் உளறல்நிதி. என்ன சொன்னாலும் நம்புவதற்கு தமிழ்நாட்டு மக்கள் அறிவில்லாத அறிவாலயத்தார் அல்ல, உருட்டுநிதி!</p>
<h2><strong>மிசாவில் கைதானாரா?</strong></h2>
<p>பொதுவெளியில் பெண்களை ஆபாசமாகப் பேசும்போது வராத வெட்கம், பெண்களை ஆபாசமாகப் பேசியதால் கைதானேன் என்று சொல்வதில் வருகிறதாம் வெட்கங்கெட்ட ஆபாசநிதிக்கு!</p>
<p>அப்பா மிசாவில் தான் கைதானாரா என்பதை பொதுவெளியில் சொல்ல முடியுமா, ஆபாசநிதி?</p>
<p>இவ்வாறு அதில் பதிவிடப்பட்டுள்ளது.</p>
<p>திமுக தலைவரான மு.க.ஸ்டாலின் மிசாவில் கைது செய்யப்பட்டது தொடர்பாக பல்வேறு தரப்பினரும் சர்ச்சைக்குரிய வகையில் தொடர்ந்து கருத்து தெரிவித்து வருகின்றனர். இந்த நிலையில், <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> -வினரும் தற்போது மு.க.<a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> மிசாவில் கைதானது தொடர்பாக உதயநிதிக்கு கேள்வி எழுப்பியுள்ளனர்.</p>
<p>திமுக-வினர் தொடர்ந்து ஆபாச விமர்சனங்களை முன்வைத்து வருவதாக எதிர்க்கட்சியினர் குற்றச்சாட்டுக்களை முன்வைத்து வருகின்றனர். சிவாஜி கிருஷ்ணமூர்த்தி போன்ற பலரின் ஆபாச பேச்சு வீடியோக்களையும் அதற்கு சான்றாக இணையத்தில் பகிர்ந்து வருகின்றனர். </p>
<p><iframe class="vidfyVideo" style="border: 0px;" src="https://tamil.abplive.com/web-stories/education/which-vitamin-deficiency-causes-cramps-in-hands-and-feet-271334" width="631" height="381" scrolling="no"></iframe></p>
Source: Read Full Article
