<p>தமிழ்நாட்டில் தாங்கள் சந்தித்த முதல் தேர்தல் களத்திலே வெற்றி பெற்று அரைநூற்றாண்டு திராவிட கட்சிகளை வீழ்த்தி விஜய் தலைமையிலான தவெக வெற்றி பெற்றது. தமிழ்நாட்டில் தமிழக வெற்றிக் கழக ஆட்சி அமைந்துள்ள நிலையில், அவர்கள் ஆட்சி மீது மிகப்பெரிய எதிர்பார்ப்பு உள்ளது.</p>
<h2>100 நாட்கள் செய்தது என்ன?</h2>
<p>விஜய் தலைமையிலான தவெக கூட்டணி ஆட்சி நடைபெற்று வரும் நிலையில், அவர்களின் ஆட்சி 100 நாட்களை நிறைவடைந்துள்ளது. இந்த 100 நாட்களில் தவெக ஆட்சி செய்தது என்னென்ன? என்பதை கீழே காணலாம்.</p>
<p>1. சிங்கப்பெண் சிறப்பு அதிரடி படை</p>
<p>2. தாய்மாமன் தங்க மோதிர திட்டம்</p>
<p>3. ரூபாய் 1 லட்சம் கோடி முதலீடு</p>
<p>4. 717 மதுபான கடைகள் மூடல்</p>
<p>5. வெற்றித் திறன் பயிற்சித் திட்டம்</p>
<p>6. தமிழ் வெற்றி கிராமப்புற மறுமலர்ச்சி</p>
<p>7. போதைப் பொருளை ஒடுக்க 65 சிறப்பு அதிரடிப்படை</p>
<p>8. அண்ணன் சீர்</p>
<p>9. கரும்பு, நெல்லுக்கு ஊக்கத்தொகை</p>
<p>10. வெற்றி வீடு திட்டம்</p>
<p>11. வெற்றி 150 நாட்கள் உத்தரவாத வேலைவாய்ப்பு</p>
<p>12. ஆடுகள் வளர்ப்புத் திட்டம்</p>
<p>13. 200 யூனிட் கட்டணமில்லா மின்சாரம்</p>
<p>14. காலை உணவுத்திட்ட விரிவாக்கம்</p>
<p>15. 6000 ஆயிரம் கோடி பயிர்க்கடன் தள்ளுபடி</p>
<p>16. வெற்றி மடிக்கணினி திட்டம்</p>
<p>17. 11ம் வகுப்பு மாணவர்களுக்கு நவீன பிராண்டட் சைக்கிள்</p>
<p>18. அடுக்குமாடி கட்டிடங்களுக்கு சிஎம்டிஏ அளவிலே திட்ட அனுமதி</p>
<p>இந்த திட்டங்களை தவெக அரசு தங்கள் 100 நாட்கள் சாதனையாக அறிவித்துள்ளது. இதில் சில திட்டங்கள் செயல்படுத்தப்பட்டுள்ளது. சில திட்டங்கள் தவெக அரசின் நிதிநிலை அறிக்கையில் அறிவிக்கப்பட்டுள்ளது.</p>
<h2><br /><strong>சிங்கப்பெண் சிறப்பு அதிரடிப்படை:</strong></h2>
<p>பெண்கள் பாதுகாப்பை பிரதானமாக கையில் எடுத்துள்ள முதலமைச்சர் விஜய் தொடங்கி வைத்துள்ள திட்டம் இந்த சிங்கப்பெண் சிறப்பு அதிரடிப்படை. பெண்கள் பாதுகாப்பை உறுதிப்படுத்தும் நோக்கில் ரோந்து பணியில் ஈடுபடுவதுடன் தக்க நடவடிக்கையும் எடுப்பதே இவர்களின் பிரதான பணியாகும்.</p>
<h2><strong>தாய்மாமன் தங்க மோதிர திட்டம்:</strong></h2>
<p>அரசு மருத்துவமனைகளில் பிறக்கும் குழந்தைகளுக்கு மோதிரம் அணிவிக்கும் இந்த திட்டத்திற்காக தவெக அரசு ரூபாய் 560 கோடி ஒதுக்கீடு செய்துள்ளது.</p>
<h2><strong>1 லட்சம் கோடி முதலீடு:</strong></h2>
<p>தவெக அரசு தமிழ்நாட்டில் தொழில் முதலீடுகளை கொண்டு வருவதில் மிகவும் தீவிரமாக உள்ளது. பல்வேறு நிறுவனங்களுடன் மேற்கொள்ளப்பட்ட புரிந்துணர்வு ஒப்பந்தங்கள் அடிப்படையில் இந்த 100 நாட்களில் 1 லட்சம் கோடி ரூபாய் முதலீடுகள் ஈர்க்கப்பட்டுள்ளது.</p>
<h2><strong>மதுபான கடைகள் மூடல்:</strong></h2>
<p>தமிழ்நாட்டில் மது குடிப்பவர்களாலும், மதுக்கடைகளாலும் பல்வேறு குற்றச்சம்பவங்கள் அரங்கேறி வரும் சூழலில் தமிழ்நாட்டில் 717 மதுபானக் கடைகளை மூடி தவெக அரசு உத்தரவிட்டது. இதனால், பள்ளிகள், கல்லூரிகள் அருகே இருந்த பெரும்பாலான மதுக்கடைகள் மூடப்பட்டுள்ளது.</p>
<h2><strong>வெற்றித் திறன் பயிற்சி திட்டம்:</strong></h2>
<p>இந்த வெற்றித் திறன் பயிற்சித் திட்டத்தின் கீழ் தமிழ்நாடு அரசின் கீழ் 12 லட்சம் மாணவர்களுக்கும், 1 லட்சம் இளைஞர்களுக்கும் திறன் பயிற்சிகள் அளிக்கப்படுகிறது.</p>
<h2>கிராமப்புற மறுமலர்ச்சி:</h2>
<p>தமிழ்நாட்டின் வாழ்வாதாரமாக திகழும் கிராமப்புறங்களை மேம்படுத்த கிராமப்புற மறுமலர்ச்சி திட்டத்தின் கீழ் சுகாதாரம், குடிநீர், சாலைகளை மேம்படுத்த ரூபாய் 6 ஆயிரம் கோடி ஒதுக்கீடு செய்யப்பட்டுள்ளது.</p>
<h2><strong>போதைப் பொருள் தடுப்பு சிறப்பு அதிரடிப்படை:</strong></h2>
<p>தமிழ்நாட்டில் போதைப் பொருள் பயன்பாடு அதிகளவில் இருப்பதாக தொடர் குற்றச்சாட்டு இருந்து வருகிறது. போதைப் பொருளை ஒழிப்பதற்காக 65 போதைப் பொருள் சிறப்பு அதிரடிப்படை தொடங்கப்பட்டுள்ளது.</p>
<h2><strong>அண்ணன் சீர்:</strong></h2>
<p>பெண்களுக்கு அண்ணன் சீராக அவர்களின் திருமணத்தை முன்னிட்டு ஒரு சவரன் தங்க நாணயம், ஒரு பட்டுப்புடவை வழங்க ரூபாய் 812 கோடி ஒதுக்கீடு செய்யப்பட்டுள்ளது.</p>
<h2>சிறப்பு ஊக்கத்தொகை:</h2>
<p>கரும்பு மற்றும் நெல் சாகுபடி தமிழ்நாட்டில் பிரதானமாக உள்ள நிலையில், நெல்லுக்கு குவிண்டாலுக்கு ரூபாய் 2 ஆயிரத்து 750ம், கரும்புக்கு டன் ஒன்றுக்கு ரூபாய் 4 ஆயிரமும் சிறப்பு ஊக்கத்தொகையாக அறிவிக்கப்பட்டுள்ளது.</p>
<h2><strong>வெற்றி வீடு திட்டம்:</strong></h2>
<p>வெற்றி வீடு திட்டத்தின் கீழ் வீடுகள் கட்டுவதற்கு ரூபாய் 3,500 கோடி ஒதுக்கீடு செய்யப்பட்டுள்ளது. இது பட்ஜெட்டில் ஒதுக்கீடு செய்யப்பட்டுள்ளது.</p>
<h2><strong>150 நாள் உத்தரவாத வேலைவாய்ப்பு:</strong></h2>
<p>வெற்றி 150 என்ற திட்டத்தின் கீழ் 150 நாட்கள் வேலைவாய்ப்பு வழங்கும் உத்தரவாத திட்டம் உருவாக்கப்பட்டுள்ளது.</p>
<h2>மகளிர் ஆடுகள் வேலைவாய்ப்பு:</h2>
<p>வெற்றி மகளிர் ஆடுகள் வேலைவாய்ப்பு திட்டத்தின் கீழ் பெண்களின் பொருளாதாரத்தை வளர்க்கும் நோக்கத்தில் மகளிர் ஆடுகள் வளர்ப்புத் திட்டம் உருவாக்கப்பட்டுள்ளது.</p>
<h2>கட்டணமில்லா மின்சாரம்:</h2>
<p>தவெக அரசு அமைந்தவுடன் முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> முதல் கையெழுத்தாக 200 யூனிட் கட்டணமில்லா மின்சாரம் வழங்க உத்தரவிட்டார்.</p>
<h2><strong>பயிர்க்கடன் தள்ளுபடி:</strong></h2>
<p>விவசாயிகளின் வாழ்வாதாரத்தை கருத்தில் கொண்டு விவசாயிகளுக்கு ரூபாய் 6 ஆயிரம் கோடி பயிர்க்கடன் தள்ளுபடி அளிக்கப்பட்டுள்ளது.</p>
<h2><strong>வெற்றி மடிக்கணினி திட்டம்:</strong></h2>
<p>வெற்றி மடிக்கணினி திட்டத்தின் கீழ் மாணவர்களுக்கு மடிக்கணினி வழங்குவதற்காக ரூபாய் 2 ஆயிரம் கோடி ஒதுக்கீடு செய்யப்பட்டுள்ளது.</p>
<h2>நவீன மிதிவண்டிகள்:</h2>
<p>அரசு மற்றும் அரசு உதவி பெறும் பள்ளிகளில் 11ம் வகுப்பு மாணவர்களுக்கு ஹெல்மட், வாட்டர் பாட்டில் பொருத்தும் வசதியுடன் கூடிய நவீன பிராண்டட் சைக்கிள் வழங்க ஏற்பாடு செய்யப்பட்டுள்ளது.</p>
<h2><strong>சிஎம்டிஏ அனுமதி:</strong></h2>
<p>வெளிப்படையான நேர்மையான நிர்வாகத்தை வெளிக்காட்டும் நோக்கமாக பல அடுக்குமாடி கட்டிடங்களுக்கு சிஎம்டிஏ அளவிலேயே திட்ட அனுமதி வழங்க உத்தரவிடப்பட்டுள்ளது. நேரடி தொடர்பற்ற பத்திரப்பதிவுக்கும் ஏற்பாடு செய்யப்பட்டுள்ளது.</p>
<p><a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> ஆட்சியில் 100 நாட்கள் சாதனையாக இந்த விவகாரங்கள் பார்க்கப்படுகிறது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/lifestyle/should-you-apply-sunscreen-before-going-to-sleep-at-night-here-are-some-great-tips-271280" width="631" height="381" scrolling="no"></iframe></p>
Source: Read Full Article
