<p style="text-align: justify;"><span style="color: #ba372a;"><strong>Tamil Nadu weather update today:</strong></span> தென்மேற்கு பருவமழை மற்றும் வெப்பச்சலனம் காரணமாக தமிழகத்தில் பல்வேறு இடங்களில் லேசானது முதல் மிதமான மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. குறிப்பாக மேற்கு தொடர்ச்சி மலை சார்ந்த பகுதிகளான நீலகிரி, கோயம்புத்தூர், தேனி மற்றும் திண்டுக்கல் மாவட்டங்களில் ஓரிரு இடங்களில் மிதமான மழை பெய்யக்கூடும். பிற மாவட்டங்களில் ஓரளவு மேகமூட்டமான சூழல் நிலவுவதுடன், கடலோரப் பகுதிகளில் பலத்த தரைக்காற்று வீசக்கூடும்.</p>
<h3 style="text-align: justify;">சென்னை மாவட்ட வானிலை : Chennai Weather Forecast Today </h3>
<p style="text-align: justify;">சென்னை மற்றும் அதன் புறநகர்ப் பகுதிகளில் வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 37 டிகிரி செல்சியஸை ஒட்டியும், குறைந்தபட்ச வெப்பநிலை 28 டிகிரி செல்சியஸை ஒட்டியும் பதிவாகக்கூடும். நகரின் ஓரிரு இடங்களில் மாலையிலோ அல்லது இரவு நேரத்திலோ லேசான சாரல் மழை பெய்ய வாய்ப்புள்ளது.</p>
<h3 style="text-align: justify;">காஞ்சிபுரம் மாவட்ட வானிலை - Kanchipuram Weather Forecast Today </h3>
<p style="text-align: justify;">காஞ்சிபுரம் மாவட்டத்தில் பகல் நேரத்தில் வெப்பமான சூழல் நிலவியபோதிலும், மாலையில் மேகமூட்டம் அதிகரிக்கும். நகர்ப்புறம் மற்றும் சுற்றியுள்ள கிராமப்புறப் பகுதிகளில் வெப்பச்சலனம் காரணமாக லேசானது முதல் மிதமான மழை பெய்யக்கூடும். மிதமான வேகத்தில் தரைக்காற்று வீசக்கூடும்.</p>
<h3 style="text-align: justify;">செங்கல்பட்டு மாவட்ட வானிலை - Chengalpattu weather forecast Today </h3>
<p style="text-align: justify;">செங்கல்பட்டு மற்றும் அதனைச் சார்ந்த கடலோரப் பகுதிகளில் மிதமான தரைக்காற்று வீசக்கூடும். மாவட்டத்தில் ஒருசில இடங்களில் லேசான சாரல் மழைக்கு வாய்ப்புள்ளது. அதிகபட்ச வெப்பநிலை 36 டிகிரி செல்சியஸை ஒட்டி பதிவாக வாய்ப்புள்ளது.</p>
Source: Read Full Article
