<p>பட்ஜெட் மீதான சட்டசபைக் கூட்டத்தொடர் விறுவிறுப்பாக நடந்து வருகிறது. இன்று கடந்த ஆட்சியில் விவசாயிகள் எதிர்கொண்ட சிக்கல்கள் குறித்து அறநிலையத்துறை அமைச்சர் ரமேஷ் பேசினார். </p>
<p>இந்த சூழலில், அவரது பேச்சுக்கு பதில் அளிக்கும் விதமாக திமுக ஐடி விங் இன்று பதிலளித்துள்ளது. அதில் அவர் கூறியிருப்பதாவது,</p>
<h2><strong>புள்ளிவிவரம்:</strong></h2>
<p>தினமும் பொய் பேசி திமுகவிடம் மூக்குடைபடுவதே தவெகவின் முழுநேரப் பிழைப்பு! உழவர்களின் நெல் சேமிப்பில் திராவிட மாடல் அரசு செய்த வரலாற்றுச் சாதனைகளின் புள்ளிவிவரம்!</p>
<p>தினமும் திமுக மீது வதந்திகளைப் பரப்பி வாலாட்டும் தவெகவின் வாயை அடைக்கும் புள்ளிவிவரங்கள்:</p>
<h2><strong>சேமிப்புத் தளங்கள்:</strong></h2>
<p>ரூ.825 கோடி மதிப்பீட்டில் மாபெரும் சாதனை: 18 மாவட்டங்களில், 54 இடங்களில், 7.33 லட்சம் மெட்ரிக் டன் கொள்ளளவு கொண்ட 383 நவீன சேமிப்புத் தளங்கள் கட்டி முடிக்கப்பட்டன!</p>
<blockquote class="twitter-tweet">
<p dir="ltr" lang="ta">தினமும் பொய் பேசி திமுகவிடம் மூக்குடைபடுவதே தவெகவின் முழுநேரப் பிழைப்பு! உழவர்களின் நெல் சேமிப்பில் திராவிட மாடல் அரசு செய்த வரலாற்றுச் சாதனைகளின் புள்ளிவிவரம்!<br /><br />தினமும் திமுக மீது வதந்திகளைப் பரப்பி வாலாட்டும் தவெகவின் வாயை அடைக்கும் புள்ளிவிவரங்கள்:<br /><br />ரூ.825 கோடி மதிப்பீட்டில்… <a href="https://t.co/fcsQcuWHPs">pic.twitter.com/fcsQcuWHPs</a></p>
— DMK IT WING (@DMKITwing) <a href="https://x.com/DMKITwing/status/2086765774690234523?ref_src=twsrc%5Etfw">August 10, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>ரூ.331 கோடி மதிப்பீட்டில் உள்கட்டமைப்பு: 4.03 லட்சம் மெட்ரிக் டன் கொள்ளளவு கொண்ட 253 நவீன சேமிப்புத் தளங்கள் நேர்த்தியாகக் கட்டித் திறக்கப்பட்டன!</p>
<h2><strong>நேரடி கொள்முதல் நிலையங்கள்:</strong></h2>
<p>ரூ.494.71 கோடி மதிப்பீட்டில் வேளாண் பட்ஜெட் பணிகள்: 130 இடங்களில், 3.30 லட்சம் மெட்ரிக் டன் கொள்ளளவு கொண்ட பிரம்மாண்ட சேமிப்புத் தளங்களுக்கான பணிகள் முழுவீச்சில் முன்னெடுக்கப்பட்டன!</p>
<p>விவசாயிகள் தாங்கள் விளைவித்த நெல் மூட்டைகளை எளிதில் விற்பனை செய்வதற்காக திமுக ஆட்சியில் 4000 இடங்களில் நேரடி கொள்முதல் நிலையம் திறக்கப்பட்டது.</p>
<h2><strong>மெட்ரிக் டன் நெல் கொள்முதல்:</strong></h2>
<p>2025 செப்டம்பர் 1 தேதி முதல் 2026 மே 9 தேதி வரை 54 இலட்சம் மெட்ரிக் டன் நெல் கொள்முதல் செய்யப்பட்டு வரலாற்று சாதனை படைக்கப்பட்டுள்ளது.</p>
<p>திமுக செய்த சாதனைகளை மறைத்து, மேடைக்கு மேடை உளறிக்கொட்டும் தவெகவின் போலிப் பிரச்சாரக் கூடாரத்திற்கு இந்த உண்மைகளே சாட்டையடி! </p>
<p>இவ்வாறு அதில் பதிவிடப்பட்டுள்ளது. </p>
<p>விவசாயிகள் தங்களது பல்வேறு கோரிக்கைகளை தொடர்ந்து கடந்த கால ஆட்சிக்கும், <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> தலைமையிலான <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசுக்கும் கோரிக்கை வைத்து வருகின்றனர்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/a-jackpot-for-car-buyers-in-august-discounts-of-up-to-rs-3-5-lakh-on-which-cars-270720" width="631" height="381" scrolling="no"></iframe></p>
Source: Read Full Article
