<p>புதுச்சேரி: முதல்வரும், தமிழக வெற்றிக் கழகத் தலைவருமான விஜய் நடிப்பில், இயக்குநர் எச். வினோத் இயக்கத்தில் உருவாகியுள்ள ஜனநாயகம் திரைப்படம் தமிழகம் முழுவதும் வெளியாகி உள்ள நிலையில் புதுச்சேரி மற்றும் திண்டிவனத்தில் ரசிகர்கள் கொண்டாட்டம்.</p>
<h2>ஜனநாயகம் திரைப்படம்</h2>
<p>முதல்வரும், தமிழக வெற்றிக் கழகத் தலைவருமான விஜய் நடிப்பில், இயக்குநர் எச். வினோத் இயக்கத்தில் உருவாகியுள்ள ‘ஜனநாயகன்’ திரைப்படம், தணிக்கைப் பிரச்சினைகள் உள்ளிட்ட பல்வேறு சிக்கல்களைக் கடந்து இன்று உலகம் முழுவதும் திரையரங்குகளில் வெளியாகிறது.</p>
<p>தமிழ் திரையுலகில் மிகவும் எதிர்பார்க்கப்படும் திரைப்படங்களில் ஒன்றான இதில், விஜய் உடன் பூஜா ஹெக்டே, பாபி தியோல், மமிதா பைஜு, கவுதம் வாசுதேவ் மேனன், பிரகாஷ் ராஜ், நரேன் உள்ளிட்ட பல முன்னணி நட்சத்திரங்கள் நடித்துள்ளனர். இத்திரைப்படத்திற்கு அனிருத் இசையமைத்துள்ளார்.</p>
<p>இந்தப் படம் விஜய்யின் திரைப்பயணத்தில் இறுதித் திரைப்படம் எனக் கூறப்படுவதால், திரையுலகினர் மற்றும் ரசிகர்கள் மத்தியில் மாபெரும் எதிர்பார்ப்பு ஏற்பட்டுள்ளது. உலக அளவில் சுமார் 3,500 திரையரங்குகளில் ‘ஜனநாயகன்’ திரைப்படம் இன்று திரையிடப்படுகிறது.</p>
<p>இத்திரைப்படத்தின் வெளியீட்டைக் கொண்டாடும் வகையில், விஜய் ரசிகர்களும் த.வெ.க. தொண்டர்களும் நேற்று இரவு முதலே திரையரங்குகளில் திரண்டு ஆட்டம் பாட்டத்துடன் கொண்டாட்டத்தைத் தொடங்கினர்.</p>
<p>விழுப்புரம், புதுச்சேரி, கடலூர் உள்ளிட்ட முக்கிய நகரங்களில் உள்ள அனைத்துத் திரையரங்குகளிலும் விஜய்யின் பிரமாண்ட கட்-அவுட்களும், விஜயின் திரைப்பயணத்தை அடங்கிய வண்ணமயமான பேனர்களும் வைக்கப்பட்டுள்ளன. மேளதாளங்கள் முழங்க, பட்டாசுகள் வெடித்து திரையரங்கு வளாகங்களை ரசிகர்கள் திருவிழா கோலமாக மாற்றியுள்ளனர்.</p>
<p>தமிழகத்தில் இன்று காலை 9 மணிக்கு ‘ஜனநாயகன்’ திரைப்படத்தின் முதல் காட்சி திரையிடப்படுகிறது. கடந்த 7 மாதங்களாக இத்திரைப்படத்திற்காக ஆவலுடன் காத்திருந்த ரசிகர்கள், முதல் காட்சியைக் காண்பதற்காக அதிகாலையிலேயே திரையரங்குகளை நோக்கிப் படையெடுத்து வருகின்றனர். <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>யின் கடைசி திரைப்படம் என்பதால், இப்படம் திரையரங்குகளில் மிகப்பெரிய வசூல் சாதனையைப் படைக்கும் என எதிர்பார்க்கப்படுகிறது.</p>
Source: Read Full Article
