IND vs ZIM: ஜிம்பாப்வேயிடம் சீறிய இந்தியா! பேட்டிங்கில் மாஸ்.. பவுலிங்கில் கிளாஸ்! வெற்றிப் பாதையில் கம்பேக்!

<p>இந்திய கிரிக்கெட் அணி அயர்லாந்து, இங்கிலாந்து ஆகிய அணிகளுக்கு எதிராக டி20 தொடரை இழந்த பிறகு இந்திய அணி ஜிம்பாப்வே அணியுடன் டி20 தொடரில் இன்று களமிறங்கியது. தொடர் தோல்விக்கு பிறகு இந்திய அணி இன்று களமிறங்கியதால் மிகப்பெரிய எதிர்பார்ப்பு உண்டானது.&nbsp;</p> <h2><strong>சிறப்பான பவுலிங்:</strong></h2> <p>அபிஷேக் சர்மா, சூர்யவன்ஷி, இஷன் கிஷன், பிரின்ஸ் யாதவ், அசோக் சர்மா என இளம் பட்டாளத்துடன் ஸ்ரேயாஸ் தலைமையிலான இந்திய அணி களமிறங்கியது. டாஸ் வென்ற இந்திய அணி முதலில் பந்துவீசியது. ஜிம்பாப்வே அணியின் தொடக்க வீரர்களான ப்ரையன் பென்னட் - பென் கரனை பிரின்ஸ் யாதவ், மயங்க் யாதவ் காலி செய்தனர். அனுபவமிகுந்த கேப்டன் சிக்கந்தர் ராசாவை 4 ரன்னில் ஷிவம் துபே அவுட்டாக்க 32 ரன்களுக்கு 4 விக்கெட்டுகளை அவர்கள் இழந்தனர்.&nbsp;</p> <h2><strong>126 ரன்கள் டார்கெட்:</strong></h2> <p>ரியான் பர்ல் - வெஸ்லி மாதவரே ஜோடி ஓரளவு நிதானமாக ஆடினர். ரியான் பர்ல் 26 ரன்களும், வெஸ்லி மாதவரே 39 ரன்களும் எடுக்க கடைசியில் மருமனி 20 பந்துகளில் 2 பவுண்டரி 1 சிக்ஸருடன் 27 ரன்கள் எடுத்தார். இதனால், 20 ஓவர்களில் 125 ரன்களை 7 விக்கெட்டுகளை இழந்து ஜிம்பாப்வே எடுத்தது.&nbsp;</p> <p>128 ரன்கள் இலக்கு என்று களமிறங்கிய இந்தியாவிற்கு அபிஷேக் சர்மா 1 ரன்னில் அவுட்டாக, சூர்யவன்ஷி சுட்டெரித்தார். அவர் பவுண்டரி, சிக்ஸருமாக விளாச ஆட்டம் முழுமையாக இந்தியா கட்டுக்குள் வந்தது. அவர் 19 பந்துகளில் 4 பவுண்டரி, 4 சிக்ஸருடன் 50 ரன்கள் எடுத்து அவுட்டானார். இஷான் கிஷான் 35 ரன்களில் அவுட்டாக, கேப்டன் ஸ்ரேயாஸ் ஐயர் 24 பந்துகளில் 3 பவுண்டரியுடன் 28 ரன்கள் எடுக்க திலக் வர்மா 6 ரன்கள் எடுக்க இந்திய அணி 13.2 ஓவர்களில் 126 ரன்கள் எடுத்து 7 விக்கெட் வித்தியாசத்தில் வெற்றி பெற்றது.</p> <h2><strong>வெற்றிப் பாதைக்கு திரும்பிய இந்தியா:</strong></h2> <p>இதையடுத்து, இந்திய அணி மீண்டும் வெற்றிப்பாதைக்கு திரும்பியுள்ளது. இந்திய அணி இன்னும் 2 டி20 போட்டிகளில் ஜிம்பாப்வே அணியுடன் ஆட உள்ளது. அயர்லாந்து, இங்கிலாந்து தொடரில் ஒரு வெற்றி கூட பெறாத இந்திய அணி இந்த தொடரில் முழுமையாக வெற்றி பெறும் என்று ரசிகர்கள் ஆவலுடன் உள்ளனர்.&nbsp;</p> <p>இளம் பந்துவீச்சாளர்களான மயங்க் யாதவ், அசோக் சர்மா, பிரின்ஸ் யாதவ் சிறப்பாக பந்துவீசி வெற்றிக்கு முக்கிய பங்கு வகித்தனர்.&nbsp; இந்திய டி20 அணிக்கு கேப்டனாக பொறுப்பெடுத்துள்ள ஸ்ரேயாஸ் ஐயருக்கு ஒரு கேப்டனாக கிடைத்துள்ள முதல் வெற்றி இதுவாகும்.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/education/how-to-reduce-your-child-s-screen-time-268694" width="631" height="381" scrolling="no"></iframe></p> <p>&nbsp;</p> <p>&nbsp;</p>

Source: Read Full Article