<p style="text-align: justify;"><span style="color: #ba372a;"><strong>Best smartphone under 60k in India:</strong> </span>கடந்த 2024-ஆம் ஆண்டில், பிரீமியம் ரக கேமரா அனுபவத்தை எளிய விலையில் வழங்கும் நோக்கில் ‘ஷாவ்மி சிவி 14’ (Xiaomi Civi 14) போனை ஷாவ்மி நிறுவனம் அறிமுகப்படுத்தியது. அந்த வரிசையில் தற்போது தனது புதிய ஃபிளாக்ஷிப் மாடலான ‘ஷாவ்மி 17T’ (Xiaomi 17T) போனை இந்தியச் சந்தையில் களமிறக்கியுள்ளது. ரூ. 59,999 ஆரம்ப விலையில் அறிமுகமாகியுள்ள இந்த ஸ்மார்ட்போன், பிரீமியம் பிரிவில் சிறந்த கேமரா ஸ்மார்ட்போனைத் தேடுபவர்களுக்கு ஒரு வலுவான தேர்வாக உருவெடுத்துள்ளது.</p>
<h3 style="text-align: justify;">அசத்தலான லைகா கேமரா (Leica Camera) அனுபவம் (Xiaomi 17T camera review)</h3>
<p style="text-align: justify;">இந்த போனின் மிகப்பெரிய பிளஸ் பாயிண்டே இதன் கேமரா அமைப்புதான். லைகா (Leica) நிறுவனத்தின் கூட்டாண்மையுடன் உருவாக்கப்பட்டுள்ள இதில், 50 மெகாபிக்சல் முதன்மை கேமரா, 12 மெகாபிக்சல் அல்ட்ரா-வைட் கேமரா மற்றும் லைகா 5x பெரிஸ்கோப் டெலிஃபோட்டோ ஜூம் லென்ஸ் ஆகியவை வழங்கப்பட்டுள்ளன. இந்த விலைப்பிரிவில் மிகச்சிறந்த ஜூம் அனுபவத்தை இது தருகிறது. மேலும், 'லைகா வைப்ரண்ட் லுக்' உள்ளிட்ட பல்வேறு பிரத்யேக புகைப்பட ஸ்டைல்களையும் இதில் பயன்படுத்தி தெளிவான, இயல்பான படங்களைப் பிடிக்க முடியும்</p>
<h3 style="text-align: justify;">வேகம் மற்றும் இயங்குதளம்</h3>
<p style="text-align: justify;">செயல்திறனைப் பொறுத்தவரை, இதில் மீடியாடெக் டைமன்சிட்டி 8500-அல்ட்ரா (MediaTek Dimensity 8500-Ultra) புராசஸர் பயன்படுத்தப்பட்டுள்ளது. 12ஜிபி ரேம் வசதியுடன் 256ஜிபி மற்றும் 512ஜிபி சேமிப்புத்திறன் கொண்ட இரு மாடல்களில் இது கிடைக்கிறது. கீக்பெஞ்ச் மல்டி-கோர் சோதனையில் 6600-க்கும் அதிகமான புள்ளிகளைப் பெற்று இதன் ஆற்றலை நிருபித்துள்ளது. ஆண்ட்ராய்டு 16-ஐ அடிப்படையாகக் கொண்ட 'ஷாவ்மி ஹைப்பர் ஓஎஸ் 3' (HyperOS 3) இயங்குதளத்தில் இது செயல்படுகிறது. தனிப்பயனாக்க (Customisation) வசதிகள் அதிகம் இருந்தாலும், முன்பே நிறுவப்பட்ட சில ஆப்ஸ்கள் (Bloatware) இருப்பது சிறிய குறைபாடாகும்.</p>
<h3 style="text-align: justify;">வடிவமைப்பு மற்றும் காட்சித்திரை</h3>
<p style="text-align: justify;">பிளாஸ்டிக் ஃபிரேம் கொண்டதாக இருந்தபோதிலும், கையில் பிடிக்கும்போது ஒரு பிரீமியம் உணர்வையே தருகிறது. 200 கிராம் எடைக் கொண்டிருந்தாலும் பயன்படுத்துவதற்கு மிகவும் லேசாகவும் சௌகரியமாகவும் உள்ளது. இதிலிருக்கும் 6.59 இன்ச் 1.5K அமோலெட் (AMOLED) டிஸ்பிளே 120Hz ரிஃப்ரெஷ் ரேட் மற்றும் 3500 நிட்ஸ் பீக் பிரைட்னஸ் ஆதரவைக் கொண்டுள்ளது. இதனால் அதிக வெளிச்சம் உள்ள இடங்களிலும் கூட திரையை மிகத் தெளிவாகப் பார்க்க முடிகிறது.</p>
<h3 style="text-align: justify;">பேட்டரி திறன் மற்றும் சார்ஜிங்</h3>
<p style="text-align: justify;">நீண்ட நேரப் பயன்பாட்டிற்கு ஏற்றவாறு 6500 mAh திறன் கொண்ட மிகப்பெரிய பேட்டரி இதில் வழங்கப்பட்டுள்ளது. இது சாதாரண பயன்பாட்டிற்கு ஒரு நாள் முழுவதும் தாராளமாக உழைக்கிறது. மேலும், பெட்டியிலேயே 67W வேகமான சார்ஜரும் வழங்கப்படுகிறது. இதன் மூலம் சுமார் 1 மணி 15 நிமிடங்களில் போனை முழுமையாக சார்ஜ் செய்துவிட முடியும். ஆனால், இதில் வயர்லெஸ் சார்ஜிங் வசதி இடம்பெறவில்லை.</p>
<h3 style="text-align: justify;">வாங்குவது சிறந்ததா?</h3>
<p style="text-align: justify;">ரூ. 60,000-க்குள் சிறந்த கேமரா, தரமான டிஸ்பிளே மற்றும் நீடித்த பேட்டரி திறன் கொண்ட போனை எதிர்பார்க்கும் பயனர்களுக்கு ஷாவ்மி 17T ஒரு மிகச்சிறந்த தேர்வாகும். (குறிப்பு: இதில் அதிகபட்ச வசதிகளைக் கொண்ட 'அல்ட்ரா' மாடலின் விலை ரூ. 1,39,999 என்பது குறிப்பிடத்தக்கது).</p>
Source: Read Full Article
