200-க்கு 199.50 மதிப்பெண்! மீன்வளப் பல்கலைக்கழகத் தரவரிசையில் முதலிடம் பிடித்து அசத்திய 3 மாணவர்கள்!

<p style="text-align: justify;"><strong>நாகப்பட்டினம், ஜூலை 23: </strong>தமிழ்நாடு டாக்டர் ஜெ. ஜெயலலிதா மீன்வளப் பல்கலைக்கழகத்தின் கீழ் இயங்கி வரும் கல்லூரிகளில் 2026&ndash;27-ஆம் கல்விய ஆண்டிற்கான பல்வேறு இளநிலை மீன்வளப் பட்டப்படிப்புகளுக்கான மாணவர் சேர்க்கைக் கலந்தாய்வுத் தரவரிசைப் பட்டியலை (Rank List) பல்கலைக்கழகத் துணைவேந்தர் முனைவர் நா. ஃபெலிக்ஸ் &nbsp;23.07.2026 இன்று வெளியிட்டார்.</p> <h3 style="text-align: justify;">கல்லூரிகள் மற்றும் இடங்கள் விவரம்</h3> <p style="text-align: justify;">இதுகுறித்து பல்கலைக்கழக துணைவேந்தர் தெரிவிக்கையில், பல்கலைக்கழகத்தின் கீழ் இயங்கிவரும் 10 உறுப்புக் கல்லூரிகள் மற்றும் ஒரு இணைப்புத் தனியார் கல்லூரி என மொத்தம் 11 கல்லூரிகளில் உள்ள 447 இடங்கள் கலந்தாய்வு மூலம் நிரப்பப்பட உள்ளன.</p> <p style="text-align: justify;"><strong>பாடப்பிரிவு வாரியாக ஒதுக்கப்பட்டுள்ள இடங்கள்</strong></p> <p style="text-align: justify;"><strong>மீன்வள அறிவியல் (B.F.Sc.):</strong> 187 இடங்கள்</p> <p style="text-align: justify;"><strong>மீன்வளப் பொறியியல் (B.Tech. Fisheries Engineering):</strong> 50 இடங்கள்</p> <p style="text-align: justify;"><strong>மீன்வள உயிர்த்தொழில்நுட்பம் (B.Tech. Fisheries Biotechnology):</strong> 43 இடங்கள்</p> <p style="text-align: justify;"><strong>உணவுத் தொழில்நுட்பம் (B.Tech. Food Technology):</strong> 42 இடங்கள்<br />&nbsp;<br /><strong>இளநிலை வணிக நிர்வாகவியல் (B.B.A.):</strong> 21 இடங்கள்</p> <p style="text-align: justify;"><strong>இளநிலை தொழிற்கல்வி (B.Voc.):</strong> 78 இடங்கள்</p> <p style="text-align: justify;">மேலும், மீனவர் குடும்பங்களைச் சேர்ந்த மாணவர்களின் உயர்கல்வியை ஊக்குவிக்கும் சிறப்பு முயற்சியாக, மீன்வள அறிவியல் படிப்பில் 24 இடங்களும், மீன்வளப் பொறியியல் படிப்பில் 2 இடங்களும் தனியாக ஒதுக்கீடு செய்யப்பட்டுள்ளன.</p> <h3 style="text-align: justify;">விண்ணப்பங்கள் மற்றும் மாணவிகளின் அதிகப்படியான ஆர்வம்</h3> <p style="text-align: justify;">இப்பட்டப்படிப்புகளுக்கான சேர்க்கை விண்ணப்பங்கள் கடந்த 15.05.2026 முதல் 14.06.2026 வரை பெறப்பட்டன. பின்னர், விண்ணப்பதாரர்களின் கோரிக்கையைத் தொடர்ந்து, விண்ணப்பிப்பதற்கான கடைசி நாள் 23.06.2026 வரை நீட்டிக்கப்பட்டது. மேலும், விண்ணப்பங்களில் பிழைகளைத் திருத்தம் செய்யும் வகையில் 4 நாட்கள் சிறப்பு திருத்தச் சாளரமும் (Correction Window) திறக்கப்பட்டது. பல்கலைக்கழகத்திற்கு மொத்தம் 15,585 விண்ணப்பங்கள் வரப்பெற்றுள்ளன. இதில் ஆண்களை விட மாணவிகளே அதிக அளவில் விண்ணப்பித்துள்ளனர்.</p> <p style="text-align: justify;"><strong>மாணவிகள்: &nbsp;</strong>59% (9,265 விண்ணப்பங்கள்)<br /><strong>மாணவர்கள்:</strong> 41% (6,320 விண்ணப்பங்கள்)</p> <h3 style="text-align: justify;">பாடப்பிரிவு வாரியாக பெறப்பட்ட விண்ணப்பங்கள்</h3> <p style="text-align: justify;">1.மீன்வள அறிவியல் (B.F.Sc.): 4,904 விண்ணப்பங்கள்<br />2. இளநிலை தொழிற்கல்வி (B.Voc.): 3,822 விண்ணப்பங்கள்<br />3. மீன்வள உயிர்த்தொழில்நுட்பம்: 1,890 விண்ணப்பங்கள்<br />4.மீன்வளப் பொறியியல்: 1,813 விண்ணப்பங்கள்<br />5. உணவுத் தொழில்நுட்பம்: 1,796 விண்ணப்பங்கள்<br />6. இளநிலை வணிக நிர்வாகவியல் (B.B.A.): 1,370 விண்ணப்பங்கள்</p> <h3 style="text-align: justify;">முதலிடம் பிடித்த மாணவர்கள் மற்றும் சிறப்புப் பிரிவு இடஒதுக்கீடு</h3> <p style="text-align: justify;">வெளியிடப்பட்ட தரவரிசைப் பட்டியலில் செல்வன். எஸ். அனிஷ்குமார், செல்வன். ஜி. சேதுராஜன் மற்றும் செல்வி. டி. பிரியவதனா ஆகிய மூவரும் 200-க்கு 199.50 தகுதி மதிப்பெண்கள் பெற்று மாநிலத்தில் முதலிடத்தைப் பிடித்துள்ளனர். அவர்களைத் தொடர்ந்து, செல்வி. வி. ஜெ. அக்ஷயா 198.89 மதிப்பெண்கள் பெற்று இரண்டாம் இடத்தைப் பிடித்துள்ளார்.</p> <h3 style="text-align: justify;">சிறப்புப் பிரிவு விண்ணப்ப விவரங்கள்</h3> <p style="text-align: justify;">* 7.5% அரசுப் பள்ளி மாணவர்கள் இடஒதுக்கீடு: 1,250 விண்ணப்பங்கள்<br />* மீனவர் குடும்பங்களைச் சேர்ந்த மாணவர்களுக்கான 5% மற்றும் 15% இடஒதுக்கீடு: 366 விண்ணப்பங்கள்<br />* விளையாட்டு வீரர்கள் பிரிவு: 116 விண்ணப்பங்கள்<br />* தொழிற்கல்விப் பிரிவு மாணவர்கள் (5%): 104 விண்ணப்பங்கள்&nbsp;</p> <p style="text-align: justify;">* முன்னாள் இராணுவ வீரர்களின் வாரிசுகள்: 30 விண்ணப்பங்கள்<br />&nbsp;* மாற்றுத்திறனாளிகள் (5%): 23 விண்ணப்பங்கள்</p> <h3 style="text-align: justify;">பிழைத் திருத்தம் மற்றும் கலந்தாய்வு அட்டவணை</h3> <p style="text-align: justify;">தரவரிசைப் பட்டியலில் குறிப்பிட்டுள்ள மொத்த மதிப்பெண் அல்லது சதவீத மதிப்பெண்களில் ஏதேனும் பிழைகள் அல்லது கோரிக்கைகள் இருப்பின், விண்ணப்பதாரர்கள் வருகின்ற 27.07.2026 அன்று மாலை 5.00 மணிக்குள், <a href="mailto:[email protected]">[email protected]</a> என்ற அதிகாரப்பூர்வ மின்னஞ்சல் முகவரிக்குத் தெரிவிக்குமாறு துணைவேந்தர் கேட்டுக்கொண்டார்.</p> <p style="text-align: justify;">நேரடி கலந்தாய்வு குறித்து அவர் கூறுகையில், முதற்கட்டமாக சிறப்புப் பிரிவு மற்றும் கூடுதல் இடஒதுக்கீடுகளுக்கான நேரடி கலந்தாய்வு நடத்தப்படும். அதனைத் தொடர்ந்து, பொதுப் பிரிவினருக்கான நேரடி கலந்தாய்வு 2026 ஆகஸ்ட் மாதத்தின் முதல் வாரத்தில், நாகப்பட்டினத்தில் உள்ள தமிழ்நாடு டாக்டர் ஜெ. ஜெயலலிதா மீன்வளப் பல்கலைக்கழக வளாகத்தில் நேரில் நடைபெறும் என்று தெரிவித்துள்ளார்.</p>

Source: Read Full Article