"இனிமேலும் தற்காலிகமா?" – முதல்வர் விஜய்யின் தேர்தல் வாக்குறுதியை நம்பிப் தவிக்கும் பகுதிநேர ஆசிரியர்கள்!

<p style="text-align: justify;"><strong>மயிலாடுதுறை: </strong>தமிழக அரசுப் பள்ளிகளில் கடந்த 16 கல்வி ஆண்டுகளாக தற்காலிக அடிப்படையில் பணியாற்றி வரும் உடற்கல்வி, ஓவியம் மற்றும் தொழிற்கல்வி பகுதிநேர ஆசிரியர்களை உடனடியாக பணிநிரந்தரம் செய்ய வேண்டும் என்று தமிழ்நாடு பகுதிநேர ஆசிரியர்கள் கூட்டமைப்பு தமிழக அரசுக்கு அவசரக் கோரிக்கை விடுத்துள்ளது. தமிழக வெற்றிக் கழகத்தின் (தவெக) தேர்தல் வாக்குறுதியை அரசாணையாக வெளியிட்டு, 11,773 குடும்பங்களின் வாழ்வாதாரத்தைக் காக்க முதல்வர் விஜய் கொள்கை முடிவு எடுக்க வேண்டும் என்று கூட்டமைப்பின் மாநில ஒருங்கிணைப்பாளர் செந்தில்குமார் வலியுறுத்தியுள்ளார்.</p> <p style="text-align: justify;">இதுகுறித்து அவர் வெளியிட்டுள்ள விரிவான செய்தி அறிக்கை பின்வருமாறு;</p> <h3 style="text-align: justify;">தேர்தல் வாக்குறுதியை நிறைவேற்றுக</h3> <p style="text-align: justify;">கடந்த சட்டமன்றத் தேர்தலின் போது தமிழக வெற்றிக் கழகம் வெளியிட்ட தேர்தல் அறிக்கையில், "தமிழக அரசுத் துறைகளில் தற்காலிகமாகப் பணியாற்றி வரும் ஊழியர்களில், 5 ஆண்டுகளை நிறைவு செய்தவர்கள் அனைவரும் தகுதியின் அடிப்படையில் நிரந்தர ஆசிரியர்களாக/ஊழியர்களாக மாற்றப்படுவார்கள்" என்ற மிக முக்கியமான வாக்குறுதி அளிக்கப்பட்டிருந்தது.</p> <p style="text-align: justify;">தற்போது தவெக ஆட்சிப் பொறுப்பேற்று, அக்கட்சியின் தலைவர் விஜய் முதல்வராகச் செயல்பட்டு வரும் நிலையில், இந்த வாக்குறுதியை அரசாணையாக மாற்றி தங்களின் நீண்ட கால கோரிக்கையை நிறைவேற்ற வேண்டும் என்று ஆசிரியர்கள் பெருத்த எதிர்பார்ப்புடன் காத்துக் கொண்டிருக்கிறார்கள்.</p> <h3 style="text-align: justify;">ரூ.15,000 சம்பளத்தில் வாழ வழியின்றி பரிதவிப்பு</h3> <p style="text-align: justify;">அரசுப் பள்ளிகளில் லட்சக்கணக்கான மாணவ, மாணவிகளின் திறமைகளை வளர்க்கும் உடற்கல்வி, ஓவியம் மற்றும் தையல், கணினி உள்ளிட்ட தொழிற்கல்வி ஆசிரியர்களுக்கு தற்போது மாதந்தோறும் வெறும் ரூபாய் 15,000 மட்டுமே தொகுப்பூதியமாக வழங்கப்பட்டு வருகிறது.</p> <p style="text-align: justify;">"இன்றைய அத்தியாவசியப் பொருட்களின் விலைவாசி உயர்வு, வீட்டு வாடகை, மருத்துவச் செலவுகள் மற்றும் பிள்ளைகளின் கல்விச் செலவுகளைக் கணக்கிட்டால், இந்த 15 ஆயிரம் ரூபாய் சம்பளத்தை வைத்துக் கொண்டு குடும்பத்தை நடத்துவது என்பது சாத்தியமில்லாத ஒன்றாக உள்ளது. இதனால் 11,773 ஆசிரியர்களின் குடும்பங்கள் அன்றாட வாழ்வாதாரத்திற்கே வழியின்றி பரிதவித்து வருகின்றன," என்று ஒருங்கிணைப்பாளர் செந்தில்குமார் வேதனை தெரிவித்துள்ளார்.</p> <h3 style="text-align: justify;">50 வயதைக் கடந்த ஆசிரியர்கள்</h3> <p style="text-align: justify;">இந்தப் பகுதிநேர ஆசிரியர்கள் தங்களின் வாழ்வாதார உரிமைக்காகவும், பணிநிரந்தரத்திற்காகவும் போராடத் தொடங்கி ஏற்கனவே 15 கல்வி ஆண்டுகள் முடிந்து, தற்போது 16-வது கல்வி ஆண்டு நடைபெற்று வருகிறது. இளமைக் காலம் முழுவதையும் அரசுப் பள்ளி மாணவர்களின் எதிர்காலத்திற்காகத் தியாகம் செய்த பல ஆசிரியர்கள், தற்போது 50 வயதைக் கடந்து விட்டார்கள்.</p> <p style="text-align: justify;">இன்றைய சூழ்நிலையில் இவர்களைப் பணிநிரந்தரம் செய்தாலும் கூட, இன்னும் சில ஆண்டுகளில் இவர்கள் பணி ஓய்வு (Retirement) பெறும் வயதை எட்டிவிடுவார்கள். எனவே, இத்தனை ஆண்டுகள் தங்களின் உழைப்பை அரசுப் பள்ளிகளுக்காக அர்ப்பணித்த இந்த ஆசிரியர்களை முதல்வர் விஜய் அங்கீகரித்து, அவர்களை முழுநேர தமிழக அரசுப் பணிக்கு ஈர்க்க வேண்டும். அப்போதுதான் அரசு ஊழியர்களுக்கான சலுகைகள் மற்றும் ஓய்வூதியப் பலன்கள் கிடைத்து, தங்களின் வாழ்நாளின் இறுதிக்காலத்திலாவது அவர்கள் ஒரு நல்ல நல்வாழ்வை வாழ முடியும்.</p> <h3 style="text-align: justify;">முதல்வர் விஜய்க்கு அவசர வேண்டுகோள்</h3> <p style="text-align: justify;">தமிழகத்தில் உடற்கல்வி, ஓவியம் மற்றும் தொழிற்கல்வி என்பது மாணவர்களின் ஆளுமைத் திறனுக்கும், வேலைவாய்ப்புக்கும் மிக முக்கியக் காரணியாக விளங்குகிறது. அத்தகைய கல்வியைக் கற்பிக்கும் ஆசிரியர்களின் எதிர்காலம் இன்று கேள்விக்குறியாக உள்ளது. எனவே, முதல்வர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> தற்போது பணியில் நீடிக்கும் 11,773 பகுதிநேர ஆசிரியர்களின் எதிர்காலம், அவர்களது குடும்ப நலன் மற்றும் வாழ்வாதாரத்தை மனிதாபிமானத்தோடு பரிசீலிக்க வேண்டும். <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a>-வின் தேர்தல் வாக்குறுதியில் குறிப்பிட்டபடி, 5 ஆண்டுகளுக்கு மேல் பணியாற்றிய இவர்களைப் பணிநிரந்தரம் செய்வதை அரசின் கொள்கை முடிவாக (Policy Decision) உடனடியாக அறிவிக்க வேண்டும் என்று தமிழ்நாடு பகுதிநேர ஆசிரியர்கள் கூட்டமைப்பு கேட்டுக் கொண்டுள்ளது.</p>

Source: Read Full Article