5 கிலோ கஞ்சாவுடன் கைதான மேற்கு வங்க நபர் மீது குண்டர் தடுப்புச் சட்டம்: கோவை மாவட்ட ஆட்சியர் அதிரடி நடவடிக்கை!
கோவை மாவட்டம், பொள்ளாச்சியில் 5 கிலோ கஞ்சாவை விற்பனைக்கு வைத்திருந்த மேற்கு வங்க மாநிலத்தைச் சேர்ந்த ஒரு நபர் மீது, பொது ஒழுங்குக்குப் பாதகம் விளைவித்ததாகக் கூறி, குண்டர் தடுப்புச் சட்டத்தின் (Goondas Act) கீழ் நடவடிக்கை எடுக்கப்பட்டுள்ளது.
கடந்த ஆகஸ்ட் 28, 2025 அன்று, பொள்ளாச்சி ரயில் நிலையம் அருகில் உள்ள வாகன நிறுத்தம் பகுதியில், மதியார் ரஹ்மான் மொல்லா (26) என்ற மேற்கு வங்க மாநிலத்தைச் சேர்ந்த நபர், சுமார் 5 கிலோ கஞ்சாவை விற்பனைக்காக வைத்திருந்தார். அப்போது, பேரூர் அமலாக்கப் பிரிவு காவல்துறையினர் அவரை கைது செய்து சிறையில் அடைத்தனர்.
குண்டர் தடுப்புச் சட்டம்:
மதியார் ரஹ்மான் மொல்லா, பொது ஒழுங்கு மற்றும் பொது சுகாதாரப் பராமரிப்பிற்குப் பாதகமான செயலில் ஈடுபட்ட குற்றத்திற்காக, அவர் மீது குண்டர் தடுப்புச் சட்டத்தின் கீழ் நடவடிக்கை எடுக்கக் கோவை மாவட்ட காவல் கண்காணிப்பாளர் கார்த்திகேயன் பரிந்துரை செய்தார்.
இந்தக் கடும் பரிந்துரையின் பேரில், கோவை மாவட்ட ஆட்சியர் பவன்குமார் அவர்கள், மதியார் ரஹ்மான் மொல்லா மீது குண்டர் தடுப்புச் சட்டத்தின் கீழ் நடவடிக்கை எடுக்க உத்தரவு பிறப்பித்தார்.
மாவட்ட ஆட்சியரின் உத்தரவின் அடிப்படையில், கஞ்சா வழக்கில் கைதான மதியார் ரஹ்மான் மொல்லா, சிறையில் இருந்த போதே குண்டர் தடுப்புச் சட்டத்தின் கீழ் அடைக்கப்பட்டார். கஞ்சா போன்ற போதைப் பொருட்கள் விற்பனையில் ஈடுபடும் நபர்கள் மீது அதிகாரிகள் தொடர்ந்து கடும் நடவடிக்கை எடுத்து வருவது குறிப்பிடத்தக்கது.
