பொதுமக்களைத் திரும்பத் திரும்பக் கடிக்கும் வெறிநாய்களை ஆயுள் முழுவதும் அரசு காப்பகங்களில் அடைக்க வேண்டும் என உத்தரப்பிரதேச அரசு அதிரடி உத்தரவைப் பிறப்பித்துள்ளது.
தெரு நாய்களின் தொடர் அட்டூழியங்களை முடிவுக்குக் கொண்டுவரும் நோக்கத்தில், இந்த அதிரடி நடவடிக்கை எடுக்கப்பட்டுள்ளது.
வெறிநாய்க் கடியால் பாதிக்கப்படுவோரின் எண்ணிக்கை உத்தரப்பிரதேசத்தில் அதிகரித்து வருகிறது. இது குறித்துப் பொதுமக்களிடமிருந்து தொடர் புகார்கள் வந்த நிலையில், முதல்வர் யோகி ஆதித்யநாத் தலைமையிலான அரசு இந்த உத்தரவைப் பிறப்பித்துள்ளது. இது ஒரு அவசர நடவடிக்கையாகக் கருதப்படுகிறது.
நாய்களைத் தத்தெடுக்க விரும்பும் நபர்கள், அந்த நாய்களை மீண்டும் தெருவில் விட மாட்டோம் என எழுத்துப்பூர்வமான பிரமாணப் பத்திரம் அளித்தால் மட்டுமே விடுவிக்க வேண்டும் என்றும் அரசு அறிவுறுத்தியுள்ளது. நாய்க்கடியிலிருந்து பொதுமக்களின் பாதுகாப்பை உறுதிசெய்வது அரசின் முதன்மை நோக்கமாக உள்ளது.
in
இந்தியா
