வானிலை ஆய்வு மைய எச்சரிக்கையைத் தொடர்ந்து அ.தி.மு.க. தலைமை அறிவிப்பு!
கனமழை பெய்ய வாய்ப்புள்ளதாக வானிலை ஆய்வு மையம் எச்சரித்ததையடுத்து, அ.இ.அ.தி.மு.க. பொதுச் செயலாளர் எடப்பாடி K. பழனிசாமி யின் பிரச்சாரப் பயணம் ஒத்திவைக்கப்பட்டுள்ளதாகக் கட்சித் தலைமை அறிவித்துள்ளது.
வரும் செப்டம்பர் 17, 18 ஆகிய தேதிகளில் நடைபெற இருந்த தருமபுரி மாவட்ட சுற்றுப்பயணம், செப்டம்பர் 28, 29 ஆகிய தேதிகளுக்கு மாற்றப்பட்டுள்ளது.
மாற்றப்பட்ட சுற்றுப்பயண விவரங்கள்
கழகப் பொதுச் செயலாளர் எடப்பாடி பழனிசாமி, 'மக்களைக் காப்போம்; தமிழகத்தை மீட்போம்' என்ற தலைப்பில் மாநிலம் முழுவதும் தொடர்ந்து சுற்றுப்பயணம் மேற்கொண்டு வருகிறார். இந்நிலையில், ஐந்தாம் கட்டப் பயணத்தின் ஒரு பகுதியாக, தருமபுரி மாவட்டத்தில் கீழ்க்கண்டவாறு அவர் சுற்றுப்பயணம் மேற்கொள்ளவிருந்தார்.
மாற்றப்பட்ட தேதி: செப்டம்பர் 17, 18, 2025
புதிய தேதி: செப்டம்பர் 28, 29, 2025
புதிய அட்டவணையின்படி, செப்டம்பர் 28-ஆம் தேதி தருமபுரி, பாப்பிரெட்டிபட்டி, அரூர் ஆகிய சட்டமன்றத் தொகுதிகளிலும், செப்டம்பர் 29-ஆம் தேதி பாலக்கோடு மற்றும் பென்னாகரம் தொகுதிகளிலும் அவரது சுற்றுப்பயணம் நடைபெறும்.
கனமழைக் காரணமாக இந்த மாற்றம் செய்யப்பட்டுள்ளதாக அ.இ.அ.தி.மு.க. தலைமை வெளியிட்டுள்ள அறிக்கையில் தெரிவிக்கப்பட்டுள்ளது.
