2 மணி நேர இடி மின்னல் மழை: சென்னை முதல் குமரி வரை 'அரண்டு' போன மக்கள்! ஜூலையில் என்ன இது?
சென்னை: தமிழகத்தை திடீர் அதிர்ச்சியில் ஆழ்த்தியவாறு, இன்று மாலை 6 மணியளவில் தொடங்கிய இடி மின்னலுடன் கூடிய கனமழை, பல்வேறு மாவட்டங்களை நடுங்க வைத்துள்ளது. ஆடி மாதக் காற்று வழக்கமாக வீசும் இந்த ஜூலை மாதத்தில், பருவமழைக்காலத்தை ஒத்த அசுர மழை பெய்தது, வானிலை ஆய்வாளர்கள் மத்தியிலும், பொதுமக்கள் மத்தியிலும் பெரும் புதிரை ஏற்படுத்தியுள்ளது.
தலைநகர் சென்னை, காஞ்சிபுரம், வேலூர், கோயம்புத்தூர், சேலம், நாமக்கல், திருச்சி, கன்னியாகுமரி உள்ளிட்ட பல்வேறு மாவட்டங்களில் இன்று மாலை 6 மணிக்குத் தொடங்கிய மழை, சுமார் இரண்டரை மணி நேரத்திற்கும் மேலாக கொட்டித் தீர்த்தது. இடியும் மின்னலும் காதுகளைப் பிளக்கும் சத்தத்துடன், பலத்த காற்றும் வீசியதால், பொதுமக்கள் அரண்டு போயினர். வழக்கமாக இத்தகைய கனமழை, அக்டோபர் - நவம்பர் மாதங்களில்தான் பெய்யும் நிலையில், ஜூலையில் ஏற்பட்ட இந்த அதிரடி மாற்றத்தால், வானிலை குறித்த பெரும் கேள்விகள் எழுந்துள்ளன.
கடந்த இரண்டு மணி நேரத்திற்கும் மேலாகப் பெய்த இந்தத் தொடர் மழை, விடியும் மின்னல் மற்றும் பலத்த காற்றுடன் கூடியதாக இருந்தது, சாலைகளில் பயணிப்பவர்களை கதிகலங்க வைத்துள்ளது. இருப்பினும், நல்ல காலம் என்றே சொல்ல வேண்டும், வெள்ளம் போன்ற பெரும் உபாதைகள் எதுவும் பதிவாகவில்லை. ஆனால், இந்த அகால மழையின் தாக்கம், மாநிலம் முழுவதும் மக்களின் இயல்பு வாழ்க்கையை சற்று ஸ்தம்பிக்க வைத்தது.
இந்த ஜூலை மாதத்தில், அதாவது ஆடி மாதத்தில் இத்தகைய தீவிரமான மழை பொழிந்தது, காலநிலை மாற்றத்தின் ஒரு பயங்கரமான வெளிப்பாடா என்ற அச்சத்தை ஏற்படுத்தியுள்ளது. மழை தற்போது வரை பயமுறுத்திக் கொண்டே இருக்கிறது. வழக்கமாக ஆடி மாதக் காற்று தான் முக்கியத்துவம் பெறும் நிலையில், இடி மின்னலுடன் கூடிய கனமழை ஷாக் கொடுத்துள்ளது. வானிலை மையம், இது குறித்து சற்று மௌனம் காத்து வருகிறது. இந்த மழையின் வேகம் எப்போது குறையும், இது மேலும் நீடிக்குமா என்பது குறித்துப் பொதுமக்கள் மத்தியில் பெரும் பரபரப்பு நிலவுகிறது.
in
தமிழகம்
