புதிய துணை ஜனாதிபதி இன்று தேர்வு; பதவி குறித்த முக்கிய தகவல்கள்: ஒரு விரிவான பார்வை!
குடியரசுத் துணைத் தலைவருக்கு ஊதியம் வழங்கப்படுவதில்லை. ஆனால், அவர் இந்திய நாடாளுமன்றத்தின் மேலவையான மாநிலங்களவையின் (Rajya Sabha) அலுவல்வழித் தலைவராகப் பணியாற்றுவதால், அந்தப் பொறுப்பிற்கான ஊதியத்தைப் பெறுகிறார். இதன்மூலம், அரசியல் சட்டத்தின்படி இந்தப் பதவிக்கு நேரடியாகச் சம்பளம் இல்லையென்றாலும், மாற்றுவழியில் ஊதியத்தைப் பெறுகிறார்.
குடியரசுத் துணைத் தலைவர் பதவி குறித்து நீங்கள் தெரிந்துகொள்ள வேண்டிய மேலும் பத்து முக்கியத் தகவல்கள் இங்கே:
1. பதவிப் பாதுகாப்பு: குடியரசுத் துணைத் தலைவர் பதவிக் காலம் 5 ஆண்டுகள்.
2. இரண்டாவது உயர்ந்த பதவி: இந்திய அரசியலமைப்பின்படி, குடியரசுத் தலைவருக்கு அடுத்தபடியாக இரண்டாவது மிக உயர்ந்த பதவியாகும்.
3. மாநிலங்களவை தலைவர்: இவர் மாநிலங்களவையின் தலைவராகச் செயல்படுவார்.
4. தேர்வு முறை: நாடாளுமன்றத்தின் இரு அவைகளையும் சேர்ந்த உறுப்பினர்களைக் கொண்ட வாக்காளர் குழுவால் இவர் தேர்ந்தெடுக்கப்படுவார்.
5. பதவி நீக்கம்: மாநிலங்களவையில் பெரும்பான்மையுடன் நிறைவேற்றப்பட்ட தீர்மானம், மக்களவையால் ஏற்றுக்கொள்ளப்பட்டால் பதவி நீக்கம் செய்யப்படலாம்.
6. பதவி விலகல்: குடியரசுத் தலைவருக்குத் தனது பதவி விலகல் கடிதத்தைக் கொடுப்பதன் மூலம் பதவியிலிருந்து விலகலாம்.
7. குடியரசுத் தலைவர் பணியில்: குடியரசுத் தலைவர் பதவி காலியாகும்போது, அவர் குடியரசுத் தலைவராகப் பணியாற்றுவார்.
8. குறுகிய காலம்: குடியரசுத் தலைவர் பணியில் அதிகபட்சம் ஆறு மாதங்கள் மட்டுமே தொடர முடியும். அதற்குள் புதிய குடியரசுத் தலைவர் தேர்ந்தெடுக்கப்பட வேண்டும்.
9. சமநிலை வாக்கு: மாநிலங்களவையில் மசோதாக்கள் மீது சமநிலை ஏற்படும்போது, இவர் வாக்களிக்க உரிமை உண்டு.
10. மீண்டும் தேர்வு: இவர் மீண்டும் மீண்டும் இந்தப் பதவிக்குத் தேர்ந்தெடுக்கப்பட முடியும்.
