நாளை வரை கனமழை நீடிக்கும் எனக் கணிப்பு; புதுச்சேரி மற்றும் காரைக்காலிலும் மழைக்கு வாய்ப்பு!
தமிழ்நாட்டில் கிருஷ்ணகிரி, தருமபுரி, சேலம், திருவண்ணாமலை உட்பட 23 மாவட்டங்களில் நாளை (செப்டம்பர் 19, 2025) வரை கனமழைக்கு வாய்ப்பு உள்ளது என இந்திய வானிலை ஆய்வு மையம் தெரிவித்துள்ளது.
சென்னை மண்டல வானிலை ஆய்வு மையம் இன்று மதியம் வெளியிட்ட வானிலை அறிக்கையில் கூறப்பட்டுள்ளதாவது:
கனமழைக்கு வாய்ப்புள்ள மாவட்டங்கள்: கிருஷ்ணகிரி, தருமபுரி, சேலம், திருவண்ணாமலை, திருப்பத்தூர், வேலூர், ராணிப்பேட்டை, செங்கல்பட்டு, காஞ்சிபுரம், கள்ளக்குறிச்சி, விழுப்புரம், கடலூர், பெரம்பலூர், அரியலூர், திருச்சிராப்பள்ளி, சிவகங்கை, புதுக்கோட்டை, மயிலாடுதுறை, தஞ்சாவூர், திருவாரூர், நாகப்பட்டினம், புதுச்சேரி மற்றும் காரைக்கால்.
இந்த மாவட்டங்களில் ஒரு சில இடங்களில் கனமழை பெய்யக்கூடும் என வானிலை ஆய்வு மையம் கணித்துள்ளது. கடந்த சில நாட்களாகக் கடுமையான வெப்பம் நிலவி வந்த நிலையில், இந்த மழை பொதுமக்களுக்கு மகிழ்ச்சியை ஏற்படுத்தியுள்ளது.
