கோவையில் மனித - யானை மோதலை தடுக்க நீதிமன்றம் அதிரடி! - யானைகள் வழித்தடத்தில் உயர்நீதிமன்ற நீதிபதிகள் நேரில் ஆய்வு! Madras High Court Judges Inspect Elephant Corridor in Coimbatore

இரும்பு வேலி அமைக்கும் திட்டத்துக்குத் தடை கோரிய வழக்கு; நீதிபதிகள் சதீஷ்குமார், பரத சக்கரவர்த்தி நேரடியாக ஆய்வு!

கோவை: மனித - யானை மோதலைத் தடுப்பதற்காக இரும்புக் கம்பி வேலி அமைக்கும் திட்டத்துக்குத் தடை கோரிய வழக்கில், சென்னை உயர்நீதிமன்ற நீதிபதிகள் சதீஷ்குமார் மற்றும் பரத சக்கரவர்த்தி ஆகியோர் இன்று கோவை மாவட்டத்தில் உள்ள யானைகள் வழித்தடத்தில் நேரில் ஆய்வு மேற்கொண்டனர். நீதிபதிகளின் இந்த நேரடி வருகை, சூழலியல் ஆர்வலர்கள் மற்றும் உள்ளூர் மக்கள் மத்தியில் ஒரு பெரும் கவனத்தை ஏற்படுத்தியுள்ளது.

யானைகள் ஊருக்குள் வருவதைத் தடுக்க மேற்கொள்ளப்படும் பல்வேறு முயற்சிகள் குறித்துப் பல வழக்குகள் நீதிமன்றத்தில் நிலுவையில் உள்ளன. அதன் ஒரு பகுதியாக, யானைகள் வழித்தடங்களை மறித்து இரும்பு வேலி அமைக்கும் திட்டத்திற்குச் சுற்றுச்சூழல் ஆர்வலர்கள் எதிர்ப்பு தெரிவித்து வழக்கு தொடர்ந்தனர். அந்த வழக்கின் உண்மை நிலையை நேரடியாக அறிவதற்காக நீதிபதிகள் இந்த ஆய்வை மேற்கொண்டனர். இந்த ஆய்வு, வழக்கில் ஒரு முக்கியத் திருப்புமுனையாக இருக்கும் என எதிர்பார்க்கப்படுகிறது.