ரகசியமாக ஆபாச வீடியோக்களைப் பதிவு செய்த ஆசிரியர்; திருமணம் செய்ய மறுத்ததால் சிக்கியவர் - பெங்களூருவில் பெரும் பரபரப்பு!
பெங்களூருவில் உள்ள ஒரு தனியார் பள்ளியின் உடற்கல்வி ஆசிரியர் மேத்யூ என்பவர், 2,500-க்கும் மேற்பட்ட ஆபாச வீடியோக்களை ரகசியமாக எடுத்து வைத்திருந்ததாக, அவர் மீது கொடுக்கப்பட்ட புகார் பெரும் பரபரப்பை ஏற்படுத்தியுள்ளது.
பெங்களூருவில் உள்ள ஒரு தனியார் பள்ளியில் உடற்கல்வி ஆசிரியராகப் பணியாற்றி வந்த மேத்யூ, பல பெண்கள் மற்றும் இளம் மாணவிகளுடன் தனிப்பட்ட தருணங்களை ரகசியமாக வீடியோ பதிவு செய்து வந்துள்ளார். கடந்த இரண்டு ஆண்டுகளாக மேத்யூவுடன் பழகி வந்த ஒரு விதவைப் பெண், அவர் தன்னை திருமணம் செய்ய மறுப்பதாகக் கூறி போலீசில் புகார் அளித்துள்ளார்.
மேலும், மேத்யூவின் மொபைல் போனில் 2,500-க்கும் மேற்பட்ட ஆபாச வீடியோக்கள் இருப்பதாகவும் அந்தப் பெண் தனது புகாரில் தெரிவித்துள்ளார். இந்தத் திடுக்கிடும் தகவல்கள் பெங்களூருவில் மட்டுமன்றி, சமூக வலைத்தளங்கள் வழியாகப் பரவி நாடு முழுவதும் பெரும் பரபரப்பை ஏற்படுத்தியுள்ளது. இந்தச் சம்பவம் குறித்து போலீசார் தீவிர விசாரணை நடத்தி வருகின்றனர்.
