திரையுலகில் சோகம்.. இசையமைப்பாளர் சபேஷ் காலமானார்! Music Composer Sabesh (Sabesh-Murali) Passes Away in Chennai at 68.

'தேனிசைத் தென்றல்' தேவாவின் இளைய சகோதரர் உடல்நலக் குறைவால் மரணம்: நாளை இறுதிச் சடங்குகள்!

சென்னை, அக்டோபர் 23, 2025: பிரபல இசையமைப்பாளர் 'தேனிசைத் தென்றல்' தேவாவின் இளைய சகோதரரும், திரைப்படங்களுக்கு இசையமைத்தவருமான எம்.சி. சபேசன் (சபேஷ்) அவர்கள், உடல்நலக் குறைவு காரணமாகச் சென்னையில் இன்று (அக்டோபர் 23) மதியம் 12.15 மணி அளவில் காலமானார் (Passed Away). அவருக்கு வயது 68.

சபேஷ் அவர்கள் தனது சகோதரர் முரளி உடன் இணைந்து, 'சபேஷ்-முரளி' என்ற பெயரில் பல திரைப்படங்களுக்கு இசையமைத்துள்ளார் .அவர் திரைப்பட இசைக் கலைஞர்கள் சங்கத்தின் தலைவராகவும் (President of Film Musicians' Union) பொறுப்பு வகித்தவர் ஆவார்.

 காலமான சபேஷுக்கு கீதா, அர்ச்சனா எனும் இரண்டு மகள்களும், கார்த்திக் எனும் மகனும் உள்ளனர். அவரது மனைவி தாரா முன்னரே காலமானது குறிப்பிடத்தக்கது.

இசையமைப்பாளர் சபேஷின் இறுதிச் சடங்குகள் (Funeral Rites) நாளை (அக்டோபர் 24) மாலை 3 மணிக்கு அவரது இல்லமான, எண். 151, 18வது தெரு, சவுத்ரி நகர், வளசரவாக்கம், சென்னை என்ற முகவரியில் நடைபெற உள்ளன. அதன் பின்னர், அவரது உடல் பிருந்தாவனம் நகர் இடுகாட்டிற்கு எடுத்துச் செல்லப்படும் எனத் தெரிவிக்கப்பட்டுள்ளது.  சபேஷின் மறைவுச் செய்தி தமிழ்த் திரையுலகில் சோகத்தை ஏற்படுத்தியுள்ளது.