தமிழகத்தில் 9 ஐபிஎஸ் அதிகாரிகள் இடமாற்றம்: முக்கிய அதிகாரிகள் பணியிட மாற்றம்!
தமிழகத்தில் 9 ஐபிஎஸ் (IPS) அதிகாரிகள் பணியிட மாற்றம் மற்றும் பதவி உயர்வு பெற்றுள்ளனர். இது தொடர்பாக, உள்துறைச் செயலர் கூடுதல் தலைமைச் செயலர் தீரஜ் குமார் உத்தரவு பிறப்பித்துள்ளார்.
தீரஜ் குமார் உத்தரவு பிறப்பித்துள்ளார். இந்த மாற்றங்கள் உடனடியாக அமலுக்கு வருவதாக அறிவிக்கப்பட்டுள்ளது.
பணியிட மாற்றம் செய்யப்பட்ட அதிகாரிகளின் விவரங்கள்:
அனிசா ஹுசைன், ஐபிஎஸ்: தற்போது சிபிசிஐடி பிரிவில் உள்ள காவல்துறை இன்ஸ்பெக்டர் ஜெனரலாக (ஐஜி) இருக்கும் இவர், சிலை திருட்டு தடுப்புப் பிரிவின் ஐஜி-யாக நியமிக்கப்பட்டுள்ளார்.
எஸ். லட்சுமி, ஐபிஎஸ்:
சிலை திருட்டு தடுப்புப் பிரிவின் ஐஜி-யாக இருந்த இவர், லஞ்ச ஒழிப்பு மற்றும் ஊழல் தடுப்புப் பிரிவின் ஐஜி-யாக நியமிக்கப்பட்டுள்ளார்.
டாக்டர் சோனல் சந்திரா, ஐபிஎஸ்:
மத்திய அரசுப் பணியிலிருந்து திரும்பிய இவர், சென்னை காவல் துறையின் வடக்கு மண்டல போக்குவரத்துப் பிரிவு துணை இன்ஸ்பெக்டர் ஜெனரல் (டிஐஜி) மற்றும் இணை ஆணையராக நியமிக்கப்பட்டுள்ளார்.
ஜி. ஜவஹர், ஐபிஎஸ்:
சிபிசிஐடி பிரிவில் உள்ள வட மண்டல காவல் கண்காணிப்பாளராக (எஸ்பி) இருந்த இவர், சிபிசிஐடி பிரிவின் மெட்ரோ மண்டல எஸ்பி-யாகப் புதியதாகப் பொறுப்பேற்கிறார்.
ஆர். சுகாசினி ஐபிஎஸ்:
கோவை மாநகர தலைமையக துணை ஆணையராக (டிசி) இருக்கும் இவர், சிபிசிஐடி பிரிவின் வட மண்டல எஸ்பி-யாக கூடுதல் பொறுப்பு வகிப்பார்.
எம்.பி. திவ்யா ஐபிஎஸ்:
கோவை லஞ்ச ஒழிப்பு மற்றும் ஊழல் தடுப்புப் பிரிவில் கூடுதல் எஸ்பி-யாக இருந்த இவர், பதவி உயர்வு பெற்று, கோவை மாநகர தலைமையக துணை ஆணையராக நியமிக்கப்பட்டுள்ளார்.
பி.எச். ஷஜிதா ஐபிஎஸ்:
தமிழ்நாடு சிறப்பு காவல் பிரிவில் துணை கமாண்டன்ட்-ஆக இருந்த இவர், பதவி உயர்வு பெற்று, சிபிசிஐடி பிரிவின் நிர்வாகம் மற்றும் ஒருங்கிணைப்பு எஸ்பி-யாக நியமிக்கப்பட்டுள்ளார்.
டாக்டர் பி. விஜய குமார், ஐபிஎஸ்:
சென்னை காவல் துறையின் கிழக்கு மண்டல சட்டம் மற்றும் ஒழுங்குப் பிரிவின் இணை ஆணையர்/டிஐஜி-யாக இருந்த இவர், சென்னை காவல் துறையின் தெற்கு மண்டல போக்குவரத்துப் பிரிவின் இணை ஆணையர்/டிஐஜி-யாக மாற்றப்பட்டுள்ளார்.
பண்டி கங்காதர், ஐபிஎஸ்:
சென்னை காவல் துறையின் தெற்கு மண்டல போக்குவரத்துப் பிரிவின் இணை ஆணையர்/டிஐஜி-யாக இருந்த இவர், சென்னை காவல் துறையின் கிழக்கு மண்டல சட்டம் மற்றும் ஒழுங்குப் பிரிவின் இணை ஆணையர்/டிஐஜி-யாக நியமிக்கப்பட்டுள்ளார்.
